نويسينگه‌ى بارزانى ئه‌را هه‌ڵويست له‌ باره‌ى پاريزگار كه‌ركوك ئاشكراكردنيگ دا

نويسينگه‌ى بارزانى ئه‌را هه‌ڵويست له‌ باره‌ى پاريزگار كه‌ركوك ئاشكراكردنيگ دا
2019-06-04T20:58:50+00:00

شه‌فه‌ق نيوز/ نويسينگه‌ى ره‌سانن مه‌سعود بارزانى سه‌رۆك پارت ديموكرات كوردستان، ئاشكراكردنيگ دا له‌باوه‌ت هه‌ڵويست بارزانى له‌ مه‌سه‌له‌ى دامه‌زرانن پاريزگار ئه‌را كه‌ركوك و ناو فه‌ريدون عه‌بدولقادر ئه‌را ئى پۆسته‌ هاورد.

 

نويسينگه‌گه‌ له‌ به‌ياننامه‌يگ وت: سه‌رۆك بارزانى ئاگادار بويه‌ له‌وه‌ ك كۆسره‌ت ره‌سول داوا له‌ فه‌ره‌يدون عه‌بدولقادر كردگه‌ پۆست پاريزگار كه‌ركوك وه‌ربگرێد و ئه‌ويش ئه‌خوازێد كه‌سيگ نيشتمانپه‌روه‌ر جوور فه‌ره‌يدون عه‌بدولقادر ئه‌و پۆسته‌ وه‌ربگرێد و باس له‌وه‌يش كرد ك خواست ئه‌وه‌سه‌ ته‌وافق بدێ له‌ناونى كورد و عه‌ره‌ب و توركمان ئه‌را هه‌ڵوژانن پاريزگار كه‌ركوك.

 

جى باسه‌، به‌ياننامه‌گه‌ يه‌يش ده‌رخست ك بارزانى كه‌سيگ وه‌ك فه‌ريدون عه‌بدولقار ئه‌خوازێد ئه‌را وه‌رگرتن پۆست پاريزگار و هه‌ر وه‌و خاتريشه‌ داوا له‌ فرسه‌ت سۆفى كردگه‌ سه‌ردان كۆسره‌ت ره‌سول بكاو ئاگادارى بكا له‌باره‌ى ره‌زامه‌نى سه‌رۆك بارزانى له‌بان هه‌ڵوژارنن عه‌بدولقادر و جه‌خت له‌وه‌يش كريا ك خود فه‌ره‌يدون عه‌بدولقادر داواى ئه‌و پۆسته‌ نه‌كردگه‌، به‌ڵكوو ريككه‌فتن ناونى بارزانى و كۆسره‌ت ره‌سول هووكار بويه‌ له‌ هه‌ڵوژاننى.

Shafaq Live
Shafaq Live