نووترین ئامێر پزیشکی لە جەهان چوودە ناو هەولێر.. وینە
شەفەق نیوز/ وەزیر تەندرسی هەرێم کوردستان سامان بەرزنجی راگەیان، خەستەخانەی رزگاری فێرکاری لە هەولێر نووترین ئامێر لە جەهان "ستی سکان" (City Scan) وەرگرد، لە ئمڕوو دووشەممەو ها لە خزمەت هاوڵاتیەیل.
بەرزنجی لە کۆنگرەیگ رووژنامەوانی کە ئاژانس شەفەق نیوز ئامادەبوی ئاشکرایکرد، حکومەت هەرێم کوردستان وەگەرد کۆمپانیا جەهانیەیل پێشەنگ لە مژار پزیشکی رێک کەفتیە ئەرا دەستەوەرکردن مۆدێرترین ئامێر پزیشکی.
وتیش: "لەدویای ئەوەگ داوا لە حکومەت هەرێم کوردتان کردیمن، توەنستیمن رۆتین ئیداری رەدبکەین و ئامێر سەنریا و لەناو خەستەخانەگە دانریا، یەیش مۆدێرنیەتی جەهانە لە خەستەخانەیل".
دیاریکرد، ئامێرەگە وە ئەوەگ جیاوازە توەنێد لە رووژیگ 200 وشکنین بکەێد، وەرد ئەنجامداین زیاتر لە 1500 جویر وشکنین پەیوەنیدار وە شانەیل و دەمارەیل خوین و دڵ.
وتیش، یەیش وە بەشیگ لە ەوەڵداین تەندروسی دانرێد کە هەرێم کوردستان وەخوەی دەسێ، دیاریکرد هەرێم پیشکەفتن دیە لە دابینکردن ئامێرە پزشکیەیل و دەرمان، وەرد بیناکردن خەسخانەیل تایوەت نوو و ئەوزەکردن زانست بایلۆجی، هیشتیە زیاترین ئەوزەڵکردن بیاشتوود لەبان ئاست عراق وە گشتی و کوردستان وە تایوەتی.
