نوقڵانەی قەیران «نان» لە کوردستان.. (وێنە)

شەفەق نیوز/ بەرزەوبوین نرخ ئارد وە ئاست ٥٠٪ هیشت شمارەی نانەیلە لە ٨ داوەزیەنە شەش نان بایی ١٠٠٠ دینار، لە نانەواخانەیل شار سلێمانی، تا ن ڤڵاتەی قەیران نان بەێد، و هەڵبەتە وەخراوی چوودە بان خەڵکەگە.

ساڵح حەمە رەش خاوەن دوکان ئارد فرووشتن لە بازاڕەیل سلێمانی ئەرا ئاژانس شەفەق نیوز ئویشێد: نرخ یەک تەن لە ئارد تورکی و ئیرانی و رووسی گرانەو لوبەو. رەسیە ٥٠ دۆلار، لەوەر بەرزەوبوین نرخ بۆرسەی گەنم جهانی، و هەمیش باجەیل گومرگی ک زیایەو بوین، و دیاری کرد ک ئەوسا یەک تەن ئارد تورکی وە ٤٣٠ دۆلار سەنیایمن، و ئیسە رەسیە  ٥0٠ دۆلار.

و دیاری کرد ک ئارد خوەمانی خاس نییە و خاس نێکریەێدە نان، و خاسیش نێهەڕنەی، ئەراوە ناچاریمن پشت وە ئارد بازرگانی و هاوردە بوسیمن.

وتیش؛ نرخ ئارد خوەمانی پلە یکەم ک لە دیالە وکەرکوک بەرهەم کریەێد، ئەوەیش نرخ فەردەگەی لە ٢٢ هەزار دینار ئەرا ٣٠ هەزار دینار گرانەو بوی، و داوا لە حکومەت کرد پاڵپشتی ئارد ناوخۆیی لە هەرێم بکەێد وە دروسکردن بارەسیاوەیل نوویگ ک لەلایەن وەزارەت بازرگانی پشتگیری کریاگە.

لەلای خوەییش، نەوزاد ئەمین خاوەن دوکان نانەوایبە، ئەرا ئاژانس شەفەق نیوز وت: ناچار بویمن نرخ تانەگە بەرزەو بکەیمن لەوەر گرانی ئارد بازرگانی لە ٨ نان ئەرا٦ نان وە هەزار دینار، و دیاری کرد ک چەن جاریگ خاوەن نانەواخانەیل داوا لە حکومەت خۆجێیی کردن وەلی بیخود.

وتیش؛ ئیمە نێخوازیمن زوور باریمنە بان هاووڵاتی، چوینکە خوەی هەر هالە تەنگی ئابووری، باوجی چە بکەیمن ک چارەیگ وەدەسمان نییە لەسای بیدونگی حگومەت.

لەلای خوەییش، کاوە ئازاد یەکیگە لە هاووڵاتییەیلە ک لە گرانی نانەگە بیزارە، وت؛نێزانم چە بویشم، رەسیمنە گرانی نانەگە کەخوەی تەنیا چارەیگە ئەرا نەدارەیل، و ئەرا ئاژانس شەفەق نیوز وتیش؛ هەمیشە مەردمەگە باج شکستهاوردن حکومەتیەیلەەن، و ئیمە بویمنە قوربانی ئی شکستە.