کۆنفرانسیگ ناودەوڵەتی لەباوەت ژیری دەسکرد و زانست کۆمپیوتەر ئەنجام درێد (وینە)
2024-04-24T09:25:30+00:00
شەفەق نیوز/ لە شار هەولێر پایتەخت هەرێم کوردستان، ئمڕوو چوارشەممە، دەسکریا وە پەنجەمین کۆنفرانس ناودەوڵەتی زانست کۆمپیوتەر.
سەرۆک زانکۆی جیهان ئەمجەد دەلەوی لە کۆنفرانسیگ رووژنامەوانی کە ئاژانس شەفەق نیوز ئامادەبوی وت، "لە کۆنفرانسەگە گفتوگوکریا لە باوەتەیل فرەیگ لەباوەت زانست کۆمپیوتەر کە 73 توێژەر بەشداری کردن لەباوەت ژیری دەسکرد و ئەندازیاری پرۆگرام و زانست تووڕەیل جاڵجالۆکەیی وەرد توێژەرەیل لە وڵاتەیل جیاواز".
پەیامنێر ئاژانس شەفەق نیوز وت لە کۆنفرانسەگە زانکۆیەیل مالزیا و ئۆردن و وڵاتەیل ترەک بەشداری کردن و ئەرا ماوەی چەن رووژیگ وەردەوامە.
