نزیکەی ٦٠٠ هەزار گەشتیار لە چارەک یەکەم ساڵ ٢٠٢٣ سەردان دهۆک کردنە
2023-04-18T12:19:11+00:00
شەفەق نیوز/ وەڕیەوبەرایەتی گەشتوگوزاری لە پارێزگای دهۆک، ئمڕوو سێشەممە، تەواوبوین ئامادەکاری ئەرا پیشوازیکردن لە گەشتیارەیل راگەیان، هەرچەن زەدەد وە بەشیگ لە شوینەیل گەشتیاری رەسیە، لە ئەنجام ئەو لافاوەیلە ک وەرجە چەن رووژیگ وە وارانەگە رەسیە ئەو ناوە.
خەیری عەلی وەڕیەوبەر گەشتوگوزاری دهۆک لە کۆنگرەیگ رووژنامەوانی وت: وەڕیەوبەرایەتیەگە کەسەیلیگ لە ناوەند پارێزگای دهۆک و لە قەزای عمادیە و ئاکرێ و شێخان دروس کردیە ئەرا پیشوازیکردن لە گەشتیارەیل لە جەژن رەمەزان.
خەیری ئەو زەردەیلە نەشاردەوە ک لە ئەنجام لافاوەیل دویای ئەو واران رفت دویاییە رەسیە شمارەیگ لە شوینەیل گەشتیاری وەتایبەت لە قەزای عمادیە، و داوا لە حکومەت هەرێم کوردستان کرد دەسمیەتی خاوەن ئەو شوینەیلە بیەن تا دووارە خاسیان بکەن.
لەباوەت ئامار ئەو گەشتیارەیلە ک لە یەکەمین چارەک ئی ساڵە هاتنەسە دهۆک، وت: نزیکەی ٦٠٠ هەزار گەشتیار لەو ماوە سەردان دهۆک کردنە، و مەزەنە کرد هاتن گەشتیارەیل زیاتر وەرەو پارێزگاگە وەردەوام بوود.
