نزیکەی ٥٠٠ تاسیان وە خوەڵوتوزەگە لە هەرێم کوردستان
شەفەق نیوز/ فەرمانگەیل تەندروسی و خەسەخانەیل هەرێم کوردستان، ئمڕوو سێشەممە، توومارکردن زیاتر لە ٤٩٠ تویشهاتن تاسیان وتەنگەهەناسی راگەیانن، لەوەر ئەو خوەڵوارانە ک لە دویەکە دووشەممەو وڵاتەگە گردیە.
تەندروسی پارێزگای دهۆک لە بەیاننامیگ رەسیە ئاژانس شەفەق نیوز وت: ٢٦٥ کەس تویش تاسیان وتەنگەهەناسی هاتنە لەوەر خوەڵوتوزەگە.
وەڕێەوبەرایەتی تەندروسی سلێمانی وت: ١٨٠ کەس سەردان بەشەیل فریاگوزاری لە خەسەخانەیل کردنە، لەوەر تویشهاتنیان وە تەنگەهانسی لە شەپوول تەپ و توزەگە.
لەلای خوەییش، ئیدارەی خەسخانەی شەهید هەژار لە کەلار لە بەیاننامیگ رەسیە ئاژانس شەفەق نیوز وت: شەپوول خوەڵوارینەگە هیشت زیاتر لە ٤٧ کەس سەردان بەشەیل فریاگوزاری لە خەسەخانەگە بکەن، وەماوەی ٢٤ سەعات گوزەشتە.
بەیاننامەگە وتیش: ئەو کەسەیلە تویش تەنگەهانسی هاتن، و لەخەسخانە چارەسەری وەگردن.
