ئەنجومەن باڵای زەرادەشتییەیل کوردستان هەڵوێست لە سووکایەتیکردن وە سەڵاحەدین ئەییوبی دەرکەێد
شەفەق نیوز/ ئەنجومەن باڵای ئاین زەرادەشتی لە کوردستان، ئمڕوو چوارشەممە، باس لە رەتکردنی لە وتارەیل کەسایەتییگ ئاینی لە لایەنگرەیل ئاینەگە وەناو (پیر لوقمان) کرد، ک لەناوی سووکایەتی وە کەسایەتی ئاینی ئیسلامی سەڵاحەدین ئەییوبی کردگە.
ئەنجومەنەگە لە بەیاننامەیگ رەسیە ئاژانس شەفەق نیوز وت: ئی کەسە لەناو تۆمارە ڤیدۆەگە وەناو زەرادەشتییەکان وەشیوەیگ ناگونجیاگ پەلامار لایەن وکەسایەتیەیلیگ دا.
بەیاننامەگە وتیش؛ ئیمەی زەرادەشتی دژ وەی رەفتارەیل ناگونجیاگە وسیەیمن، چوونکە فەلسەفەی سەرەکی ئاینەگە قبوڵکردن ئەواکە و پێکەوەژیانە، ئەرا وەدەسهاوردن ئازادی و دڵنیایی و خوەشحاڵی ئەرا گشت مرۆیی.
بەیاننامەگە وتیش؛ ئی کەسە هیچ پەیوەندییگ وە زەرادەشتی نەیرێد، و لەوەر چەن هەڵوێستیگ ک وەگەرد رەفتار و کردوە خاسەگان نێگوجیەن ک خوەیان لە بنەمای ئاینەگەن دوێرەو خریاگە.
بەیاننامەگە وەرپرسایەتی ئی وتار توندڕەوە خستە بان گەردن لوقمان.
وەرجەیە، لە رووژ دووشەممەی گوزەیشتە، وەزارەت ئەوقاف سکاڵایگ دادوەری دژوە کەسایەتییگ زەرادەشتی تۆمار کرد، وە توومەت سووکایەتیکردن وە سەرکردەی ئیسلامی سەڵاحەدین ئەییوبی، ک لە بنچینەی کوردییگە.
