گەنجەیل کوردستان بەشداری لە پڕۆژەیل عراقی کەن
دویای ئەو ڕاهێنانە لە کۆنگرەیگ رووژنامەوانی، محمد سەڵاح نوێنەر ریخریاگ "السلام" لە هەرێم کوردستان وت: نویسینگەی سەرۆک وەزیرەیل عراق بڕیار ئامادەکردن پڕۆژەی دابینکردن بوودجەی خوازیاگ دا ئەرا چالاکیەیل گەنج عراقی ئەرا بەرزکردن ئاست کار و هوشیارییان، و هەرێم کوردستان وە بڕیگ ریخریاگ بەشداری لەلی کەێد، و ئەوەسا چالاکیەیل وەناو نوینەر کوردستان وەرگرێد، و لە هەرێم کوردستان ئەرا گەنجەیل جیوەجیی کەێد، و گەنجەیل هەرێم لەلی سوودمەن بوون.
وتیش؛ ئیرنگە نوێنەرەیل حکومەت هەرێم کوردستان و وەزارەتەیل ترەک لە هەرێم بەشداری لەی پڕۆژە کەن ئەرا بەرزکردن تاوانی گەنج عراقی، کە نویسینگەی سەرۆک وەزیرەیل عراق جیوەجیی کەێد.
جی باسە کە وەگورەی بڕیار شمارەی 2250 پویل لە چوارچیوەی پڕۆژەیگ فراوان دابین کریەێد ئەرا بەرزکردن توانیل گەنجەیل عراق و هەرێم کوردستان، ئەرا کارکردن لەبان باوەت هوشیاریکردن گەنجەیل، و بەشداریکردنیان لە مەیدان سیاسی و ئیداری و بەرزکردن تاوانی داراییان.
