ناوخوه‌يى هه‌رێم كوردستان 3 نويسينگه‌ى تازه‌ى ده‌ركردن پاسه‌پۆرت واز كرد
2019-08-06T21:00:07+00:00
شه‌فه‌ق نيوز/ وه‌زاره‌ت ناوخوه‌يى هه‌رێم كوردستان بڕيار وازكردن 3 نويسينگه‌ى تازه‌ى ده‌ركردن پاسه‌پۆرت دا له هه‌ردوگ پاريزگاى هه‌ولێر و دهۆك و له‌و باوه‌تيشه‌و ليژنه‌ى تايبه‌ت دامه‌زريا.
وه‌گووره‌ى كتاويگ فه‌رمى ك له‌لايه‌ن وه‌زاره‌ته‌گه‌وه ده‌رچيه ئه‌وه ده‌رخست ك وه‌زاره‌ته‌گه بڕيار وازكردن 3 نويسينگه داگه ئه‌را ده‌ركردن پاسه‌پۆرت له قه‌زايه‌يل سۆران و زاخۆ و عه‌قره.
ئى بڕياره ك ئمزاى رێبه‌ر ئه‌حمه‌د بارزانى ها پييه‌و، دامه‌زران ليژنه‌يك له‌ى باوه‌ته‌و گرته‌سه خوه‌ى وه سه‌رۆكايه‌تى سامى جه‌لال سه‌رۆك ديوان وه‌زاره‌ت ناوخوه‌يى و وه ئه‌ندامێتى عه‌ميد عومه‌ر قادر وه‌ڕيه‌وبه‌ر پاسه‌پۆرت پاريزگاى هه‌ولێر و دڵدار نورى عه‌باس وه‌ڕيه‌وبه‌ر پاسه‌پۆرت پاريزگاى دهۆك.
