ناوخوه‌يى كوردستان بڕيگ وشدارى ده‌ركرد: مه‌ترسه‌يل په‌تا وه‌رده‌وامه
شه‌فه‌ق نيوز/ وه‌زاره‌ت ناوخوه‌يى له حكومه‌ت هه‌رێم كوردستان، ئاشكراى ئه‌وه كرد وه‌زاره‌ت ته‌ندروستى جه‌خت له‌بان ئه‌وه كردگه مه‌ترسى په‌تاى كۆرۆنا وه‌رده‌وامه، داوايش له سه‌رۆك و ئه‌ندامه‌يل غورفه‌ى ئۆپراسيۆنه‌يل كرد لێدانه‌يليگ ده‌رنه‌كه‌ن بدێده هووكار پابه‌ند نه‌وين هاووڵاتيه‌يل وه رينمايه‌يل ته‌ندروستى و وه‌رپرسيارێى ئى مه‌سه‌له‌يشه خسته گه‌ردنيان.
وه‌زاره‌ته‌گه له به‌ياننامه‌ى شماره 29 ساڵ 2020 ئه‌را شه‌فه‌ق نيوز وت: دوياى به‌ياننامه‌يل وه‌رين تايبه‌ت وه روێ وه‌ڕوێ بوينه‌وه‌ى په‌تاى كۆرۆنا و له‌وه‌ر خاتر مقه‌يه‌تى له ئاسايش ته‌ندروستى هه‌رێم كوردستان و دوياى رێ وشوونه‌يل مه‌زه‌نه‌كردن و چه‌وديرى رووژه‌يل وه‌رين، بڕيگ رينمايى و بڕيار ده‌ركرياگه، له‌وانه‌يش وه‌زاره‌ت ته‌ندروستى هيمان جه‌خت له‌وه ئه‌كا مه‌ترسى بڵاوبوينه‌وه‌ى په‌تاى كۆرۆنا وه‌رده‌وامه، وه‌و خاتريشه نادێ سه‌رۆك و ئه‌ندامه‌يل غورفه‌ى ئۆپراسيۆن لێدوانه‌يليگ بيه‌ن كاريگه‌رى له‌بان هاووڵاتيه‌يل داشتوود له مه‌سه‌له‌ى جيوه‌جيكردن رينمايه‌يل خوه‌يپاريزى و وشدارييش دا له‌باره‌ى هه‌ركه‌سيگ له ئيچنه لێدوانه‌يليگ بيه‌ێد.
