ناوخۆی هەرێم کوردستان ئاڵشتکردنەیل ریشەیی لە وەرپرسەیلیگ لەوزارەتەگە کەێد
2020-09-03T10:55:00+00:00
شەفەق نیوز/ رێبەر ئەحمەد وەزیر ناوخۆی هەرێم کوردستان، ئمڕوو پەنجشەممە، راگەیان نیاز وەزارەتەگە لە ئاڵشتکردنەیلیگ ریشەیی لە وەرپرسەیل وئەفسەرەیل گەواریگی وە یەکەلیگ وەتواناتر.
وەزیرەگە لە وتارەگەی ئمڕوو لە رسووم وەرگردن لیوا تاڕق ئەحمەد ئیبڕاهیم ئەرا ئەرکەگانی لە پۆست وەڕێوبەر گشتی پۆلیس هەرێم وت: مەسرور بارزانی سەرۆک وەزیران راگەیان پڕۆژەی چاکسازی لە نشانداین بەڕنامەی حکومەت هەرێم کوردستان لەبان پەرلەمان، وتیش؛ بەڕنامەی حکومەتەگە وەگورەی ئەو بەڕنامەی ئامادەکریاگە ریکەێد.
وتیش؛ پۆلیس چاکسازی لە شیوەگەی خوازێد، و لە گشت لایەنەگان، ئەراوە گرنگە ک وەڕێوبەر گشتی نوو پۆلیس، گرنگی وەی کارە بیەێد.
وەزیر ناوخۆ ئاماژەدا ک لە گرنگترین فەرمانگە حکومەتیەگان ک وەراستەخۆ رەفتار وەگەرد ژیان رووژانەی هاوڵاتیەگان کەن خوەی وەڕێوەبەرەایەتیەگان وەزارەت ناوخۆیە، و بایەسە چاکسازی ریشەیی لەبانیان بکەریەێد، و ئاڵشتکردن لە ئەفسەرەگانی لەوانەگ توانای وەردەوامییان لەکارکردن نەمەنیە، چوونکە ئەرا ماوەی فرەیگ لە پۆستەیل خوەیان مەننە، تا لەجی ئەوان کەسەیلیگ وەتوانا باێد.
