ناوچەیگ کوردستانی دەیان خوەیکوشتن لە ساڵ گوزەشتە توومار کەێد
2023-01-30T10:49:14+00:00
شەفەق نیوز/ وەرپرسیگ ئەمنی لە ئیدارەی گەرمیان لە هەرێم کوردستان، ئمڕوو دووشەممە، وت: دەیان خوەیکوشتن لە ماوەی ساڵ گوزەشتە ٢٠٢٢ توومار کریاگە، و باس زیایبوینی لەوەر بڕیگ هوکار کرد.
وەرپرس راگەیانن و پەیوەندی لە وەڕیەوبەرایەتی پولیس گەرمیان موقەدەم عەلی جەمال قەدوری ئەرا ئاژانس شەفەق نیوز وت: گەرمیان ١٠ خوەیکوشتن لەماوەی ساڵ ٢٠٢٢ توومار کرد وە شیوەیلیگ جیاجیا جویر چەک و پەت و ئاگر، وتیش: ریژەی خوەیکوشتن لە ساڵ ٢٠٢١ زیاتر بوی، ئەوەیش لەوەر بڕیگ هوکار.
قەدوری وتیش: گرفتەیل ئابووری و کۆمەڵایەتی وەگەرد لەیەکداین واتەیل شارستانی و ئاینی بوونە هوکارەیل خوەیکوشتن، و دووپات لە جیوەجیکردن هەڵمەتەیل هوشیاری و روشنهویری وەلایەن وەڕیەوبەرایەتیەیل پولیس کۆمەڵایەتی و پولیس مقەیتیکردن خیزان کرد، وە هەماهەنگی وەگەرد دامودەزگایل ئاینی و کۆمەڵایەتی ئەرا نواگردن خوەیکوشتن و کەمەوکردنی.
