ناوەین خانەقین و گەرمیان.. کشتوکاڵی هەرێم کوردستان دەسکەێدە درەوکردن گەنم
کامیران عەبدولڵا وەڕیەوبەر کشتوکاڵی خانەقین، ئەرا ئاژانس شەفەق نیوز وت: وەڕیەوبەرایەتیەگەی وە هەماهەنگی وەرد وەڕیەوبەرایەتی کشتوکاڵی فیدراڵی دیالە، هەڵمەتیگ درەوەنی گەنم لە خانەقین و قەزایل مەیدان و قورەتوو، دەسوەپی کرد.
عەبدولڵا وتیش: "هەڵمەت درەوەگە لە 40 هەزار دۆنم لە ناو خانەقین، 40 هەزار دۆنم لە قۆرەتوو، زیاتر لە 20 هەزار دۆنم لە میدان".
ئەو وەرپرس کوردە پێشنیار کرد ک زیاتر لە ٨٠ هەزار دۆنم گەنم ئەرا ئی وەرزە بەرهەم باێد، یە بیجگە لە بڕ بەرهەمهاوردن لە دەیشت پلان فەرمی.
عەبدولڵا وتیش: زەویە کاڵیاگەیل لە پلان زمسان وە بەراورد وەرز گوزەشتە زیاتر لە 60% زیای کردگە، یەیش لە ئەنجام فرەیی ئاو و زیایبوین داهات ئاوە.
لەماوەی سێ ساڵ گوزەشتە ناوچەیل دیالە و هەرێم کوردستان تویش قەیران ئاو بوین، لە ئەنجام کەم وارانی و بڕین چەم و ئەو لاوە ک لە دیم ئیرانەو تیەێد.
