کۆڕۆنای کوردستان.. زیاتر لە ٤٠٠ تویشهاتن وەبی مردن
شەفەق نیوز/ وەزارەت تەندروسی لە حکومەت هەرێم کوردستان، ئمڕوو دووشەممە، راگەیان لە ماوەی ٢٤ سەعات گوزەشتە، تویشهاتن ٤١٠ کەس وە ڤایرۆس کۆرۆنا توومار کریایە وەبی مردن لە گشت ناوچەیل هەرێم کوردستان.
وەزارەتەگە لە بەیاننامیگ رەسیە ئاژانس شەفەق نیوز وت: تاقیگەیلی لە خود ماوەگە ٢٧٣٣ وەشکین نوو ئەنجام دانە، لەناویان تویشهاتن ٤١٠ کەس وە ڤایرۆسەگە ئاشکرا بوی، وەبی هویچ مردنیگ.
بەیاننامەگە وتیش: ٦٠ بیمار لە خود ماوەگە دویای وەرگردن چارەسەری لە پەتاگە خاسەو بوین، وهویچ مردن نوویگ لە گشت ناوچەیل هەرێم کوردستان توومار نەکریا.
بەیاننامەگە وتیش: گشت شمارەی ئەو کەسەیلە ک دویای دەرکەفتن ڤایرۆسەگە لە هەرێم کوردستان کەرەنتین کریانە رەسیە ٢١٨٧١ کەس، گشتیان دویای خاسەوبوینیان لە خەسەخانە دەرچگن، و تاقیگەیل وەزارەتەگە ٤٢٩٦٩٧١ وەشکین ئەنجام دانە، لەناویان تویشهاتن ٤٤٠٧٥٠ کەس ئاشکرا بویە، ٤٣١١٦٥ لەلیان خاسەو بوین، و شمارەی مردنەیل لەپای ٧٤٥١ مەنیە.
