کۆڕۆنای کوردستان.. بەرزەوبوین وەرچەویگ لە تویشهاتنەیل وەبی مردن
شەفەق نیوز/ وەزارەت تەندروسی لە حکومەت هەرێم کوردستان، ئمڕوو سێشەممە، تویشهاتن ٩٣ کەس وە ڤایرۆس کۆرۆنا لە ماوەی ٢٤ سەعات گوزەشتە راگەیان، وەبی تووماکردن مردن لە گشت ناوچەیل هەرێم کوردستان.
وەزارەتەگە لە بەیاننامیگ رەسیە ئاژانس شەفەق نیوز وت: تاقیگەیلی لە ماوەی ٢٤ سەعات گوزەشتە ١٧٤٣ وەشکین ئەنجام دانە، لەناویان تویشهاتن ٩٣ کەس وە ڤایرۆسەگە ئاشکرا بویە، لە بەرزەوبوین وەرچەویگ لە ئاست تویشهاتنەیل، وەبی تووماکردن مردن نوو.
بەیاننامەگە وتیش: لە خود ماوەگە ٢٦ کەس لە پەتاگە خاسەو بوین.
لە ئامار گشتی، وەزارەتەگە دیاری کرد ک ٢١٨٧١ کەس وە تویشهاتن وە ڤایرۆس کۆرۆنا کەرەنتین کریایە، گشتیان لە خەسەخانە دەرچینە دویای خاسەوبوینیان، وتیش؛ تاقیگەیلی لەو ماوەی گوزەشتە ٤٢٦٧٧٠٢ وەشکین ئەنجام دانە، لەناویان تویشهاتن ٤٣٨٧٠٩ کەس وە ڤایرۆسەگە ئاشکرا بویە، لەناویان ٤٣٠٧٤٤ بیمار خاسەو بوینە، و ٧٤٥١ مردنە.
