کۆڕۆنای کوردستان.. بەرزەوبۊن مردنەیل و ئارامگرتن تۊشهاتنەیل
شەفەق نيوز/ وەزارەت تەندروسی لە حکومەت هەرێم کوردستان، ئمڕوو سێشەممە، راگەیان توومارکردن ١٩ مردن، و ١٤٠١ تۊشهاتن نوو وە ڤایرۆس کۆڕۆنا، لە ماوەی ٢٤ سەعات گوزەیشتە، وە بەراوردی وەگەرد دۊیەکە ک ١٠ مردن و ١٤٢١ تۊشهاتن بۊی.
وەزارەتەگە لە بەیاننامەیگ رەسیە ئاژانس شەفەق نیوز وت: تاقێگەیلی لە ماوەی ٢٤ سەعات گوزەیشتە ٧٩٠٤ تاقیکردنەوە ئەنجام دانە، لەناویان ١٤٠١ تۊشهاتن نوو ئاشکرا بۊیە.
بەیاننامەگە باس خاسەوبۊن ١٢٩٠ بیمار لە پەتاگە کرد، وتیش: ١٩ بیمار لەوەر پەتاگە مردن.
بەیاننامەگە وتیش؛ وەزارەتەگە لە وەخت بڵاوبۊن پەتاگە لە هەرێم کوردستان ٢١٨٧١ کەس کەرەنتین کردگە، گشتیان دەرچگن، و تاقێگەیلی ٣١١٣١٦٨ تاقیکردنەوە ئەنجام داگە، لەناویان تۊشهاتن ٣٢٩٥١٩ کەس وە پەتاگە ئاشکرا بۊیە، لەلیان ٢٩٥٤٧٢ بیمار خاسەو بۊینە، و ٥٨٣٨ مردنە.
