کۆڕۆنای هەرێم کوردستان.. داوەزین تۊشهاتنەیل و بەرزەوبۊن مردنەیل
2021-11-25T11:56:47+00:00
شەفەق نیوز/ تاقیگەێل پزشکی لە دۊیاترین ٢٤ ساعەت لە هەرێم کوردستان، داوەزین کەمیگ لە ئاست تۊشهاتنەیل ڤایرۆس کۆڕۆنا توومار کردن، و مەردنەیلە دوو قات بەرزەو بۊین.
وەزارەت تەندروسی هەرێم کوردستان لە بەیاننامەیگ رەسیە ئاژانس شەفەق نیوز وت: ٥٤٢٥ تاقیکردنەوە ئەنجام دریاگە تا تۊشهاتن ٣٦٤ کەس وە ڤایرۆسەگە بچەسپنێد، و گشت شمارەگە بڕەسێدە ٣٧٣٦٩٩.
بەیاننامەگە باس خاسەوبۊین ٣٢٢ بیمار لە پەتاگە کرد، تا گشت شمارەی خاسەوبۊیەیلە بڕەسێدە ٣٦٠٥٣٩.
وە ماوەی ٢٤ سەعات گوزەیشتە، ١٦ بیمار لەوەر پەتاگە مردن، تا گشت شمارەی مردنەیلە بوودە ٦٨٢٨.
