کۆڕۆنا لە ناوچەیگ کوردستانی هارەو بوود
شەفەق نیوز/ ئیدارەی ناوچەی گەرمیان سەروە هەرێم کوردستان، ئمڕوو یەکشەممە، دووپات کرد ک رێژەی تووشهاتنەیل ڤایڕۆس کۆڕۆنا لە ماوەی مانگ ئاب گوزەیشتە بەرزەو بوی، و ئاشکرای پلانیگ ئەرا زیایکردن بنکەیل واکسین دژوە پەتاگە کرد.
وەڕێۆبەر گشتی فەرمانگەی تەندروسی گەرمیان سیروان محمد جەمال ئەرا ئاژانس شەفەق نیوز وت: شمارەی تووشهاتنەیل ڤایڕۆس کۆڕۆنا لە ناوچەی گەرمیان وەشیوەی وەرچەویگ بەرزەو بوی وەگورەی مانگەیل گوزەیشتە، وە رێژەی ٣٥٪ و تووشهاتنەیلە هاتە بەرزەوبوین.
وتیش؛ ٢١٠٩ تووشھاتن لە ماوەی مانگ ئاب تۆمار کریاگە، وە زیایەی ٨٠٠ تووشهاتن لە مانگ تەمووز، وەگەرد زیایبوین رێژەی مردنەیل ک رەسیە ٢٣ مردن لە مانگ ئاب، وتیش: خەسەخانەیل چارەسەرکەردن کۆڕۆنا پڕەو بوینە.
جەمال ئاشکرای وەرگردن واکسین لەلایەن ٣٠ هەزار هاووڵاتی لە گشت هەفت بنکەیل وەرگردن واکسینەگە لە ناوچەیل قەزا و ناحیەیل گەرمیان، و راگەیان لە پلانیگ ئەرا زیایکردن بنکەیل دابەشکردن واکسین ئەرا نواگردن تووشهاتنە زیایبویەیلە و کەمکردن لە رێژە و مەترسیەیلی.
