ناڕەزایی لە شنگال وە داوای مەرەقەزکردن دەسکیرکریاگەیل یەبەشە
شەفەق نیوز/ ناحیەی سنۆنی سەروە قەزای شنگال خوەڕائاوای پارێزگای نەینەوا، ئمڕوو سێشەممە، ناڕەزایی لەلایەن خەڵک ناوچەگە وەخوەی دی، وە داوای مەرەقەزکردن شمارەیگ لە کوڕەیل دەسکیرکریاییان لە یەبەشە.
یەیش لە شوین رویوەڕویبوین و ئاڵووزی ئەمنی دویایی تیەێد کە کەفتە ناوەین هیزەیل ئەمنی و یەکەیل بەرخودان شنگال.
سەرچەوەیگ ئەمنی ئەرا ئاژانس شەفەق نیوز وت: دەیان کەس لە خەڵک ناحیەی سنۆنی دەرچگن ئەرا ناڕەزایەتی نزیک بنکەیل ئەمنی وە داوای مەرەقەزکردن ئەو کەسەیلە کە لە ئۆپراسیۆنەیل ئەمنی دویایین دەسگیر کریانە.
سەرچەوەگە وتیش: ئەو ناڕەزایلە هەڕەشەی وەردەوامی لە ناڕەزایی دان ئەگەر داوایان جیوەجی نەکریەێد.
لەی رووژەیل گوزەشتە، وەردەوەردەی ئەمنی لە قەزای شنگال کەفتە ناوەین هیزەیل ئەمنی عراقی و یەکەیل بەرخودان شنگال لە قەزای شنگال، کە یەکیگە لە یەکەیل چەکدار کە پەیوەندی وە پەکەکە دیرێد، کە رەسیە دەسگیرکردن کەسەیلیگ لە ناوچەگە.
