ناڕەزایەتی لەلایەن دوێەتە خوەنەوارەیلیک لە سلێمانی دژوە بەسانن بەشە ناوخۆییەگان (وێنە)
شەفەق نیوز/دەیان لە دوێەتەیل پەیمانگایگ لە سلێمانی لە هەرێم کوردستان، ئمڕوو پەنجشەممە، وساننیگ ناڕەزایەتی دژوە بڕیاریگ وە بەسانن بەشە ناوخۆییەگان رێک خستن.
پەیامنێر ئاژانس شەفەق نیوز وت: دەیان لە دوێەتە خوەنەوارەگان ک هانە ناو بەشە ناوخۆییەگان دوێەتەگان لە پەیمانگەی تەکنیکی لە شار سلێمانی، شەوەکی ئمڕوو، وساننیگ ناڕەزایەتی لەبان بڕیار وەزارەت تەندروسی لە هەرێم کوردستان وە چووڵکردن ئەو بەشەیلە لەوەر ڤایڕۆس کۆڕۆنا رێک خستن.
بریڤان نوری نۆێنەر ناڕەزایەتیەگە لەناو وساننەگە کۆنگرەیگ رۆژنامەوانی وە بەشداربوین دوێەتە خوەنەوارەگان لە وەردەم دەروازەی بەشە ناوخۆییەگان پەیمانگەی تەکنیکی کرد، و ئاژانس شەفەق نیوز ئامادەی بوی و وت: ئیمە هایمنە ناو بەشە ناوخۆییەگان ک وەدوێەتەگان تایبەتن، ئەو بڕیارە رەت کەیمن ک وەزارت تەندروسی لە هەرێم کوردستان لە چووڵکردن بەشەگان لەوەر ڤایڕۆس کۆڕۆنا بردیەسەی.
وتیش؛ ئی بڕیارە ستەمکارە وەرانوەر زیاتر لە ٣٠٠ دوێەت هانە شوونەیل دویریگ ک دوو ساعەت لە پەیمانگەگە دویرن، ک هیلێد لە دەوامەگە و موحازەڕەگان دیر بکەفن، بیجگە ئەو دوێەتەیلە ک توانای شوونگردن نەیرن، و داوای پویچەڵکردن بڕیارەگە کردن.
