نەمسا باس رەنگینی سەردان نێچیروان بارزانی کەێد: پابەندیمن وە ئارامی هەرێم کوردستان و عراق
رووژ دووشەممە، نێچیروان بارزانی سەرۆک هەرێم کوردستان وە سەردانیگ فەرمی رەسیە ڤیێنای پایتەخت نەمسا، لەناوی وەگەرد سەرۆک و وەزیر دەیشت نەمسا گردەو بوی، و باس دەرفەتەیل قایمکردن پەیوەندییەیل نەمسا وەرد عراق و هەرێم کوردستان و فراوانکردن ئاسووەیل هاوکاری هاوبەش ناوەین هەردوگ لایەن.
بارزانی دویای پیشوازیکردن لەلی وەلایەن شالنبیرگ وت: داوا کردیمن قونسوڵخانەی نەمسا لە هەولێر واز بکریەێد.
دویای دیدارەگە، شالنبیرگ لەبان ماڵپەڕ تایبەت خوەی لە پلاتفۆرم ئێکس نویسان: کاریگ رەنگینە پیشوازی لە سەرۆک هەرێم کوردستان نێچیروان بارزانی لە ڤیێنا بکەێد، دویای سەردانم ئەرا هەولێر.
وەزیر دەیشت نەمسا وتیش: خوەی و سەرۆک بارزانی باس گەشەیل ناوچەی خوەرهەڵات ناوڕاس و کووچبەری و هاوکاری ئابووری خەس کرد.
شالنبیرگ وتیش: نەمسا پابەندە وە ئارامی عراق، کە هەرێم کوردستانیش وەگەرد ئەوە.
