نەسر حەریری: هەرێم کوردستان لەبان سەختی رەوشەیلی باوەش کردە سوریەکان
شەفەق نیوز/ مەسرور بارزانی سەرۆک حکومەت هەرێم کوردستان، ئمڕوو پەنجشەممە، پێشوازی لە نەسر حەریری سەرۆک هاوپەیمان نیشتمانی سوری و شاند یاوەری کرد.
لە سەرتای کۆبونەوەگە، باس لە دویاترین نووەوەبویەکان لە رەوشەیل سیاسی لە سوریا و ناوچەگە وە گشتی کریا، وەتایبەت ئەو تەقەلایلە ئەرا چارەسەرکەردن گرفتەیل ئیسە لە سوریا.
سەرۆک هاوپەیمان نیشتمانی سوری، سوپاس هەرێم کوردستان کرد لەبان هەڵوێستیل خوەشەویستانەی وەرانەوەر گەل سوریا، وەتایبەت لە وەخت میوانیکردن سەدان ھەزار لە ئاوارە سوریەکان ک پەنا وە هەرێم بردن، و پێشوازی لەلیان کرد و باوەش ئەرایان واز کرد، هەرچەن رەوشەیل خوەی سەختن.
سەرۆک حکومەت ئاماژە کرد ک هەرێم کوردستان پشتگیری گشت تەقەلاکان ئەرا چارەسەرکەردن گرفتەیل لە سوریا وەشیوەیگ ئاشتەوایی ئەرا بتەوکردن ئاشتی و ئارامی لە ناوچەگە و دابینکردن مافەیل پێکهاتەگان و گەلەیل سوریا وە گشتی کەێد، لەلیان داواکاریە ڕەسەنەکان گەل کورد لەی وڵاتە.
سەرۆک حکومەت باس لە نیگەرانی خوەی دەربارەی پێشێلکارەکان لە عەفرین کرد، و باس لە ئومید خوەی کرد ک نوایان بگریەێد و کۆتایی وەپیان باێد.
