نێچیروان بارزانی و فائق زەیدان دووپات لە گرنگی پشتیەکگردن ئەرا نواگردن سەختیەیل کەن

شەفەق نیوز/ هەرلە نێچیروان بارزانی سەرۆک هەرێم کوردستان، و فائق زەیدان سەرۆک ئەنجومەن دادوەری باڵا، ئمڕوو سێشەممە، دوپات لە گرنگی پشتیەکگردن و هاوکاری هاوبەش ناوبەین دەسەڵاتەیل و هیزەیل سیاسیی و پیکاتەیل عراق، ئەرا نواگردن سەختیەیل و رەدبوین وەرەو هشکایی ئارام.

ئەوەیش لە پیشوازیکردن سەرۆک ئەنجومەن دادوەری باڵا لە سەرۆک هەرێم کوردستان لە بەغداد هات، و وەگەردی باس میکانیزمەیل پاڵپشتیکردن داوەری و دابینکردنی گشت خوازینەیل سەرکەفتن لە کار دادگایل لە ناوەند و لە هەرێم کوردستان کریا.

وەگورەی ئەو بەیاننامە ک رەسیە ئاژانس شەفەق نیوز، بارزانی دووپات لە رۆڵ دەسەڵات دادوەری لە وەڕیەوبردن و ئارامی وڵاتەگە کرد، و دەسخوەشی لە ئامادەبوین و رۆل گورج سەرۆک ئەنجومەن دادوەری باڵا وە شیوەیگ تایبەت.