نێچیروان بارزانی و ئەعرەجی باس هاوکارییگ کەن بڕەسێدە چارەکردن باوەتەیل گیرهاتگ وەرد دەوڵەتەیل هاوسا
شەفەق نیوز/ نێچیروان بارزانی سەرۆک هەرێم کوردستان، ئمڕوو یەکشەممە، لە سەردانەگەی ئەرا بەغداد پایتەخت، وەگەرد قاسم ئەعرەجی راویژکار ئاسایش نەتەوەیی عراق، باس پەیاکردن چارەسەکردن ئەو باوەتەیل گیرهاتگە کرد ک پەیوەندی وە دەوڵەتەیل هاوسا دیرن، لە ئاماژەیگ ئەرا ئەو دەسدرویژیەیل ئەمنیەتی ک هەرێم کوردستان وەلایەن تورکیا و ئیران کەفێدە وەریان.
بەیاننامەیگ لەلایەن نویسینگەی راویژکار ئاسایش نەتەوەیی وت: لەو دیدارە ک هەردوگ لایەنەگە گردەو کرد، باس رەوشەیل ئەمنی و سیاسی ولاتەگە وەگشتی کریا.
بەیاننامەگە دیاری کرد ک هەردوگ لایەنەگە باس وەردوامی هاوکاری ناوبەین ناوەند و هەرێم وەو شیوە کردن ک بڕەسێدە چارەکردن باوەتەیل گیرهاتگ وەرد دەوڵەتەیل هاوسا، لەڕی دانوسەنین و ریەیل دیبلۆماسی و لەیەکڕەسەونەی هاوبەش، و وەو شیوە ک مقەیەتی ئارامی و سەروەری عراق بکەێد.
لە دیدارەگە هەمیش دووپات لە گرنگی هەماهەنگی و هاوکاری بیناکەر ناوبەین حکومەت فیدراڵی و هەرێم کوردستان کریا، ئەرا نواگردن ئەندامەیل تیرۆری، و چەسپانن سنوور.
