نێچیروان بارزانی و سەرۆک وەزیرەیل ئیستۆنیا خواست خوەیان ئەرا ئەوزەڵداین وە پەیوەنی دوانیەیل نیشاندان
لە بەیانامەیگ کە لە سەرۆکایەتی هەرێم دەرچگە هاتیە، لە کوبوونەوەگە گفتوگوکریا لە پەیوەنیەیل و هاوکاری هاوبەشناوەین ئیستونیا و عراق و هەرێم کوردستان وە تایبەت لایەن ئەمنی، و رۆل هێزەیل ئیستۆنیا کە هانە هەرێم کوردستان لە چوارچمگ هاوپەیمانی ناودەوڵەتی دژ وە داعش، رووشنای خریا بان بارودۆخ ئەمنی و سیاسەت عراق و هەرێم کوردستان.
هەردوگلا دووپاتکردن خواستەیل هاوبەشیان لە ئەوزەڵداین لە گشت مژارەیل، هەمیش رووشنایی خستنە بان گرنگی سەردانەگەی ئالار کاریس سەرۆک کۆمار ئیستۆنیا و شاندەگەی یاوەری لە ناوڕاس مانگ گوزەشتە ئەرا عراق و هەرێم کوردستان، گردەوبوین لە هەولێر وەگەرد نیچیروان بارزانی، سوپاس رۆل هێزەیل ئیستۆنیا کرد لە هەرێم کوردستان.
لەلایگ ترەگ لە دیدارەگە بیروڕا ئاڵشتکردن لەباوەت ئەوزەڵکردنەیل بارودۆخەیل ئاڵۆز لە خوەرهەڵات ناوڕاس و کاریگەری و لێکەفتەیل جەنگ لە غەززە و ئۆکرانیا، وەپای بایاننامەگە.
