نێچیروان بارزانی وەرد ئەمیر ئێزیدیەیل بارودۆخ ئاوەرەیل تاوتوێ کەێد
![نێچیروان بارزانی وەرد ئەمیر ئێزیدیەیل بارودۆخ ئاوەرەیل تاوتوێ کەێد](https://media.shafaq.com/media/arcella/1716906486213.jpg)
نویسینگەی راگەیانن سەرۆکایەتی هەرێم، لە بەیاننامەیگ رەسیە ئاژانس شەفەق نیوز وت، "سەرۆک هەرێم کوردستان نێچیروان بارزانی، ئمڕوو سێشەممە، پیشوازی کرد لە حازم تەحسین بەگ، ئەمیر ئێزیدیەیل لە کوردستان و عراق و جەهان".
وتیش، "هەردوگ لایەن هویروڕا ئاڵشتکردن لەباوەت بارودۆخ ئێزیدیەیل و مافیان لە هەرێم کوردستان و عراق،و دووپاتکرد لەبان ئەوەگ هەوەجە کەێد خزمەتیگ خاستر پێشکەش وە هاوڵاتیەیل ئێزدی بکرێد لە گشت لایگ".
وتیش "گفتوگوکریا لەبان بارودۆخ شەنگال و ئاوارەیل ئێزیدی و گوزەرانیان لەناو کەمپەیلە".