سەرۆکایەتی هەرێم کوردستان لە بەیاننامەیگ رەسیە ئاژانس شەفەق نیوز وت: لەناو گردەوبوینیگ هەردوگ لایەنەگە دووپات لە قایمکردن پەیوەندیەیل ناوەین ئازەربایجان و عراق و هەرێم کوردستان لە گشت چینەیل کردن وەتایبەت لە چینەیل ئابووری و بازرگانی و گەشتوگوزاری وەرد باسکردن لە دەرفەتەیل بەرهەمهاوردن ئەرا خاوەن کار و کۆمپانیایل ئازەربایجانی لە عراق و هەرێم کوردستان.

بەیاننامەگە وتیش: لە دیدارەگە هەمیش دووپات لە گرنگی وازکردن قونسوڵخانەی ئازەربایجان لە هەرێم کوردستان کریا، ک وەرجەیە بڕیار لەبانی دریایە، وەگەرد باس ریکارەیل وازکردن قونسوڵخانەگە لە بانان نزیک، و کار ئەرا قایمکردن پەیوەندیەیل و هاوکاری هاوبەش ناوبەین دوو لایەنەگە.

وتیش؛ باس دەسکردن وە کاروانەیل ئاسمانی ناوەین هەولێر و باکو، و باکو و بەغدا و چەن شاریگ عراقی کریا و ئاسانکردن پیشکەشکردن ڤیزا و هامشوو شاندەیل.

بەیاننامەگە وتیش؛ دویای ئەوە، و لە دیداریگتر وە ئامادەبوون شاند هەردوولا و بەشداریکردن جیوەجیکەر کاروبار باڵیۆزخانەی عێلی لە باکو، باس کەناڵەیل پەیوەندیەیل و چەودیاریکردن ئەو تەوەرەیلە کریا ک هەردوگ سەرۆک باسیان کردن، ئەرا قایمکردن پەیوەندیەیل و بردن بڕیارەیل ئەو باوەتەیلە.