نێچیروان بارزانی وەگەرد شاندیگ ئەمریکی باس رەوشەیل ئەمنی عراق کەێد
سەرۆکایەتی هەرێم کوردستان، لە بەیاننامەیگ رەسیە ئاژانس شەفەق نیوز وت: هەردوگلا پشتیوانی خوەیان ئەرا پەرەپیدان پەیوەندییەیل ئەمریکا و عراق لەچوارچیوەی ڕێککەفتنە ستراتیژییەیل نووەو کردن، باس لە وەئامانجکردن هیزەیل هاوپەیمانەیل لە عراق و وەڵامە ئەمنی و سەربازییەیلی کردن.
سەرۆک بارزانی و شاند ئەنجومەن پیرەیل ئەمریکا لەبان گرنگی مقیەتیکردن ئاسایش هیزەیل هاوپەیمانەیل و کلکەرە دیپلۆماسییەیل لە عراق و ڕینەیان وە گروپە چەکدارەیل ئارامی و سەقامگیری عراق بشیونن و سەروەر وڵات بخەنە مەترسییەو.
شاندەگە پاڵپشتی وەردەوام ئەمەریکا ئەرا عراق و هەرێم کوردستان لە جەنگ دژوە تیرۆر و هەڕەشەیل داعش و هەڕەشە ئەمنییەیل نووەو کرد و زوور لە گرنگی پەیوەندییەیل وڵاتەگەیان وەرد عراق و هەرێم کوردستان لە کرد.
لەلای لای خوییش سەرۆک بارزانی سوپاس کۆنگرێس ئەمەریکا و ئەنجومەن پیرەیل کرد ئەرا پاڵپشتیکردنیان لە عراق و هەرێم کوردستان.
لە بەیاننامەگە وتیش: دویاترین پیشهاتەیل ناوچەگە وە گشتی تەوەریگ ترەک لەناو دیدارەگە بویە.
