نێچیروان بارزانی وەگەرد شاندیگ ئەمریکی باس بازرگانی ناوەین واشینتۆن و هەولێر کەێد
شەفق نيوز- هەولێر
نێچیروان بارزانی سەرۆک هەرێم کوردستان، ئمڕوو دووشەممە، وەگەرد شاندیگ لە ئەنجومەن کارەیل ئەمریکی، باس پەیوەندییەیل بازرگانی ناوەین واشینتۆن و هەولێر کرد.
سەرۆکایەتی هەرێم کوردستان لە بەیاننامەیگ رەسیە ئاژانس شەفەق نیوز وت: لە دیدارەگە ئامانج سەردانکردن شاندەگە ئەرا هەرێم کوردستان ئاشکرا کریا، و باس پەیوەندییەیل بازرگانی ناوەین ئەمریکا و هەرێم کوردستان کریا، و لەی باوەتە رووشنایی خریا یان دەرفەتەیل گەشەپیدان پەیوەندییەیل ناوەین دوو لایەن.
نێچیروان بارزانی دووارە دووپات کرد کە هەرێم کوردستان نووڕێدە فراوانکردن گریەیل بازرگانی و ئابووری وەرد ئەمریکا، دووپاتیش لە ئامادەیی هەرێم کوردستان کرد ئەرا پیشکەشکردن گشت ئاسانکاریەیل ئەرا بەرهەمهاورەیل و کۆمپانیایل ئەمریکی، وەشیوەیگ تواناداریان بکەێد ئەرا فراوانکردن چالاکییەل بازرگانی و ئابوورییان لە کوردستان.
دەرئەنجامەیل هەڵوژاردن پەرلەمان عراق باوەتیگ ترەک بوین لە دیدارەگە.
