نێچیروان بارزانی وەگەرد شاندیگ سەربازی بەریتانی پایەبەرز باس رەوش ئاسایش عراق و هەرێم کوردستان کەێد
سەرۆکایەتی هەرێم کوردستان لە بەیاننامەیگ رەسیە ئاژانس شەفەق نیوز وت: لەو دیدارە ک رۆزی کیف قونسوڵ گشتی بەریتانیا لە هەرێم کوردستان ئامادەی بوی، باس رەوش ئاسایش لە عراق و هەرێم کوردستان و چاکسازی وەزارەت پیشمەرگە و هەماهەنگی ئەمنی هاوبەش کریا.
هەردوگ لایەنەگە دووپات لە گرنگی سەرکەفتن کار یەکگردن، و ڕێکخستن هیزەیل پیشمەرگە، و چاکسازی وەزارەت پیشمەرگە کردن، و وتن ئی کارە بایەسە وەشیوەی زیاتر گورجیگ وەڕیەو بچوود، لەی باوەتە سەرۆک هەرێم کوردستان سوپاس خوەی ئەرا بەریتانیا و دەوڵەتەیل برادەر ئەرا پاڵپشتیکردن لەی کارە نشان دا.
لەلای خوەییش، شاندە میوانەگە دووپات کرد ک بەریتانیا وە کرنگی نووڕێدە ئارامی ئەمنی لە عراق و هەرێم کوردستان، و هەر وەردەوامە لە پیشکەشکردن پاڵپشتیکردن ئەمنی ئەرا مقیەتیکردن ئارامی عراق و هەرێم کوردستان و سەرکەفتن کار چاکسازی و یەکگردن پیشمەرگە.
رەوشەیل ناوچەگە وەشیوەی گشتی، و بڕیگ باوەت خاوەن گرنگی لەلای هەردوگ لایەنەگە باسەیل ناو ئەو دیدارە بوین.
