نێچیروان بارزانی وەگەرد سوپاسالار بەریتانیا گفتوگوی لەبان پیشهاتەیل ناوچەگە کردن
شەفەق نیوز/ سەرۆک هەرێم کوردستان نێچیروان بارزانی، ئمڕوو پەنجشەممە، وەگەرد سوپاسالار گشتی بەریتانیا گفتوگوکرد لە بارودۆخ عراق و هەرێم کودستان و دویا پیشهاتەیل ناوچەگە کردن.
سەرۆکایەتی هەرێم لە بەیاننامەیگ راگەیان، سەرۆک نێچیروان بارزانی پیشوازی لە ئەلسیر ئەنتونی راداکین سەرۆک دەسەی سوپاسالاری بەریتانیا و شاندیگ سەربازی و دیبلۆماسی پایە بەرز کرد و گفتوگوکردن لەبان پەیوەندیەیل بەریتانیا وەگەرد عراق و هەرێم کوردستان.
سەرۆک هەرێم دەسخوەشی لە رۆل وەردەوام بەریتانیا کرد لە پاڵپشتیکزدن عراق و هەرێم کوردستان، دەسخوەشی لە سوپای بەریتانا کرد لە دەسمیەتیداین هەرێم کوردستان لە پرۆسەی چاکسازی لە وەزارەت کاروبار پێشمەرگە و دوارە یەک رزکردن هێزەیل پێشمەرگە.
ئەدمیرال راداکلین دووپاتکرد لە پابەندبوین وڵاتەگەی لە پاڵپشتی یەک لەدویای یەکەیل و ئەزەڵداین وە هاوکاری هاوبەش وەرد عراقو هەرێم کوردستان، و دووپاتکرد لەبان گرنگی وەردەوامی هاوکاری و هەماهەنگی ئەرا مسۆگەرکردا سەرکەفتن جەنگەگە دژ وە تیرۆرستەیل و پاراستن بی وەیی ناوچەگە.
وەپای بەیاننامەگە، لە دیدارەگە گفتوگوی فرەیگ کری لە دۆسیەیل ترەک کە جی گرنگی هاوبەشن.
