نێچیروان بارزانی وەگەرد سەرۆک وەزیرەیل یۆنان باس پتەوکردن پەیوەندییەیل وەرد عراق و هەرێم کوردستان کەێد
بارزانی لە پۆستیگ لەبان پلاتفۆرم ئێکس کە ئاژانس شەفەق نیوز چەودیاریی کەێد نویسان: گردەوبوینیگ بەرهەمدار وەرد کیریاکۆس میتسوتاکیس سەرۆک وەزیرەیل یۆنان لەناو کۆنگرەی ئاسایش میونخ ئەنجام دام.
وتیش: باسەیلمان لە هاوکاری هەرێم کوردستان و عراق وەرد یۆنان و پتەوکردن ئاسایش و ئارامی لەناوچەگە بوی.
سەرۆکایەتی هەرێم کوردستان لە بەیاننامەیگ رەسیە ئاژانس شەفەق نیوز وت: بارزانی وەگەرد میتسوتاکیس باس دەرفەتەیل گەشەپیدان پەیوەندیەیل یۆنان وەگەرد و هەرێم کوردستان و فراوانکردن هاوکاری هاوبەش کریا، و رەوش ئەمنی و سیاسی لە عراق، و پەیوەندیەیل ناوەین هەولێر و بەغدا و دانوسەنین چارەکردن گرفتەیل ناوەینیان، و باس مەترسی تیرۆر و هەڕەشەی ریخریاگ داعش لەبان ناوچەگە کریا.
هەردوگ لایەنەگە دووپات لە ئارەزوویان لە پتەوکردن پەیوەندییەیل لە گشت چینەیل کردن.
لەی باوەتە، سەرۆک وەزیرەیل یۆنان باس ئارەزوی ئەرا سەردان عراق و هەرێم کوردستان لە بانان نزیک کرد.
هەردوگ لایەنەگە، را و نووڕینیان لە مەترسی رەوش ژاوەژاو خوەرهەڵات ناوڕاس وتن، و دووپات لە گرنگی مقیەتیکردن ئاشتی و ئارامی لە ناوچەگە کردن، و ری نەیان وە فراوانتر بوین جەنگ.
هەردوگ لایەن باس پەیوەندیەیل عراق و هەرێم کوردستان وەرد دەوڵەتەیل هاوسا و رەوشەیل سوریا و باوەتەیلیگ ترەک کردن کە گرنگی لەلای هەردوگ لایەنەگە دیرن.
