نێچیروان بارزانی وەگەرد خانمە باڵیۆز سوید باس رەوشەیل عراق کەێد
شەفەق نیوز/ نێچیروان بارزانی سەرۆک هەرێم کوردستان، ئمڕوو سێشەممە، وەگەرد خانمە باڵیۆز نوو سوید لەلای عراق باس رەوشەیل عراق کرد.
سەرۆکایەتی هەرێم کوردستان لە بەیاننامەیگ رەسیە ئاژانس شەفەق نیوز وت: بارزانی ئمڕوو پیشوازی لە جیسیکا سفاردسترۆم خانمە باڵیۆز نوو سوید لەلای عراق کرد.
بەیاننامەگە وتیش: سەرۆک هەرێم کوردستان پیرووزبایی لە باڵوێز سوید کرد وە بوونەی وەرگردن پۆست نووی، و ئامادەیی ئەرا پیشکەشکردن پاڵپشتیکردن تەواوی ئەرا سەرکەفتن ئەرکەیلی نشان دا.
هەردوگ لایەنەگە جەخت لەبان گرنگی گەشەکردن پەیوەندیەیل دووانی ناوبەین سوید و عراق و هەرێم کوردستان کردن، و دووپات لە هاوکاری کردن، و تایبەت لەو چینەیلە ک گرنگی هاوبەش دیرن.
هەردوگ لایەنەگە باس رای خوەیان لە رەوشەیل ناوخوەیی لە هەرێم کوردستان کردن، و دەرفەتەیل کار و بەرهەمهاوردن سویدی لە عراق و هەرێم کوردستان، وەگەرد نووەوبویەیل لە رەوشەیل عراق و جەنگ تیرۆر و رەوشەیل گشتی لە ناوچەگە.
