نێچیروان بارزانی وەگەرد پاپای ڤاتیکان گردەو بوود
نێچیروان بارزانی لەبان هەژمار تویتەر نویسان: شەرەفمەنم ک چەوم بکەفێدە پاپا فرانسیس، و خوەشهاڵم پاپای پیرووز وە تەندروسی خاسیگ دوینم.
وتیش؛ پاپا جەخت لە گرنگی مقیەتیکردن ئاشتی و برایی ناوبەین پیکاتەیل عراق کرد.
سەرۆک هەرێم کوردستان وتیش: پابەندی خوەم وە وەردەوامی قایمکردن ئاشتی ووەیەکەوژیان لە هەرێم کوردستان و لە عراق دووارەو کردم.
سەرۆکایەتی هەرێم کوردستان بڕیگ وینە لەو دیدارە ناوبەین سەرۆک هەرێم کوردستان و پاپا بڵاو کرد.
دویەکە چوارشەممە، سەرۆک نێچیروان بارزانی وە سەردانیگ فەرمی رەسیە رۆما.
سەرۆکایەتی هەرێم کوردستان لە بەیاننامەیگ وت: بارزانی لە سەردانەگەی ئەوەسا لە رووژ پەنجشەممە، چەوی کەفێدە پاپای ڤاتیکان، و سەرۆک وەزیرەیل ئیتالیا و وەرپرسەیلیگتر.
وتیش: دیدارەیل سەرۆک نێچیروان بارزانی و پاپای ڤاتیکان و میلۆنی ستیرکیرز سەرۆک وەزیرەیل ئیتالیا ئەوەسا جەخت لەبان گەشەپیدان پەیوەندیەیل و بڕیگ باوەت کرد ک گرنگی هاوبەش دیرن.
وەرجەیە، پاپای ڤاتیکان سەردانیگ ئەرا هەولێر پایتەخت هەرێم کوردستان کردگە ک لە بەغدادەو هات، ئەوەیش لە ئادار ٢٠٢١، و چەوی کەفتە وەرپرسەیل هەرێم کوردستان، ک سەرۆک نێچیروان بارزانی لەناویان بوی.
لە کانوون دویەم ٢٠١٨، نێچیروان بارزانی هەناێ سەرۆک حکومەت هەرێم کوردستان بوی، سەردان ڤاتیکان کرد، و باس چەن باوەتیگ وەگەرد پاپا کرد.
