نێچیروان بارزانی و دیبلۆماتکاریگ ئەمریکی باس رەوشەیل عراق و هەرێم کوردستان کەن
سەرۆکایەتی هەرێم کوردستان لە بەیاننامەیگ رەسیە ئاژانس شەفەق نیوز وت: لە دیدارەگە باس پەیوەندیەیل ناوەین هەولێر و بەغدا و چارەکردن گرفتەیل و باوەتەیل گریهاتگ لەناوەینیان، و گرنگی چارەکردن گرفتەیل ناوخوەیی لە هەرێم کوردستان، و جیوەجیکردن هەڵوژاردن پەرلەمان کوردستان، و رەوشەیل قەزای شنگال، و پیکاتەیل ئاینی کریا.
لەلای خوەییش دەیڤد بیرگ باس خوەشهاڵیی وە دیاریکردن مەوقەی جیوەجیکردن هەڵوژاردن پەرلەمان کوردستان کرد، و پیشوازی لەی گامە کرد.
سەرۆک هەرێم کوردستان وەگەرد دووپاتکردن لەبان پابەندی وە جیوەجیکردن هەڵوژاردن، سوپاس لە ئەمریکا کرد ئەرا پشتگیریکردن هەڵوژاردن.
وەگورەی بەیاننامەگە، هەردوگ لایەنەگە رێک کەفتن لەبان گرنگی جیوەجیکردن رێککەفتن حکومەت هەرێم کوردستان و حکومەت فیدراڵی ئەرا گونجانن رەوشەیل شنگال، و گرنگی مقیەتیکردن پیکاتەیل ئاینی لە عراق و هەرێم کوردستان.
بڕیگ لەو باوەتەیلە کە لەلای هەردوگ لایەنەگە گرنگە، و رەوشەیل ناوچەگە وەشیوەی گشتی باسەیل ناو ئەو دیدارە بوین.
