نێچیروان بارزانی و خانمە باڵیۆز نوو ئیسپانیا باس فراوانکردن پەیوەندییەیل وەگەرد هەرێم کوردستان و عراق کەن
شەفەق نیوز/ نێچیروان بارزانی سەرۆک هەرێم کوردستان، ئمڕوو دووشەممە، وەگەرد خانمە باڵیۆز نوو ئیسپانیا لەلای عراق، باس سیوەیل فراوانکردن پەیوەندییەیل ناوەین هەولێر و بەغدا و مەدرید کرد.
سەرۆکایەتی هەرێم کوردستان لە بەیاننامەیگ رەسیە ئاژانس شەفەق نیوز وت: بارزانی پیشوازی لە ئەلیسیا ریکۆ دیل بولگار خانمە باڵیۆز نوو ئیسپانیا کرد، و وەگەرد پیرووبایی وەبوونەی دەسکردن وە ئەرکەیلی، باس پاڵپشتیکردن تەواوی ئەرا سەرکەفتن ئەرکەیلی کرد، و دووپات لەبان رکداری هەرێم کوردستان کرد ئەرا قایمکردن پەیوەندییەیل وەرد ئیسپانیا و گەشەپیدانی لە جویراجویر چینەیل.
لەلای خوەییش، دیل بولگار باس خوەشاڵیی وە ئەرک نووی کرد، دووپاتیش کرد کە وڵاتەگەی گرنگی گەورەیگ دەێد وە پەیوەندییەیلی وەرد عراق و هەرێم کوردستان، و تەقەلای فراوانکردن هاوکاری هاوبەش لە گشت چینەیل دەێد، وەتایبەت چینەیل خاوەن گرنگی لەلای هەردوگ لایەن.
دیدارەگە باس هەڵوژاردن پەرلەمان هەرێم کوردستان و ئەنجامەیلی کرد، هەمیش پەیوەندییەیل ناوەین هەولێر و بەغدا، وەگەرد دویاترین نووەوبویەل لە ناوچەی خوەرهەڵات ناوڕاس و هەڕەشەیلی وەبان ئاسایش و ئارامی ناوچەگە.
