نێچیروان بارزانی و باڵیۆز ئیتالیا دووپات لە گرنگی چارەکردن گرفتەیل هەولێر و بەغدا وەڕی گفتوگۆ کەن
![نێچیروان بارزانی و باڵیۆز ئیتالیا دووپات لە گرنگی چارەکردن گرفتەیل هەولێر و بەغدا وەڕی گفتوگۆ کەن](https://media.shafaq.com/media/arcella/1697034838758.jpeg)
لە دیدارەگە باس دویاترین نووەوبویەیل ئەمنی و سیاسی لە عراق و ناوچەگە و خوەرھەڵات ناوڕاس و باوەت بودجە و گرفتەیل ناوەین هەولێر و بەغدا و رەوش ناوخوەیی هەرێم کوردستان و چوینیەتی چارەکردنیان کردن.
هەردوگ لایەنەگە هاوڕا بوین کە گرفتەیل هەولێر و بەغدا بایەسە وەڕی گفتوگۆ وەگورەی دەستوور عراق فیدراڵی بکریەێد، و جەخت لە گرنگی یەکڕزی لایەنەیل سیاسی لە هەرێم کوردستان کردن.
پەیوەندیەیل ئیتالیا وەگەرد هەرێم کوردستان و عراق و کار و چالاکیەیل باڵیۆزخانەی ئیتالیا وەتایبەت لە دراوردن نەفت و چەن باوەتیگ ترەک کە لەلای هەردوگ لایەنەگە گرنگە، باوەتەیل ئەو دیدارە بوین.