نێچیروان بارزانی وە بەغداد: ئەگەر وەجددی هەرێم بەشیگ لە عراق زانێد بیلا چارەی ناکۆلیەیل بکەیمن
شەفەق نیوز/ نێچیروان بارزانی سەرۆک هەرێم کوردستان، ئمڕوو پەنجشەممە، دووارەی داواکردنی لە حکومەت فیدراڵی کرد وە چارەکردن گرفتەیل وباوەتەیل گیرهاتگ ناوبەین هەولێر و بەغداد، وجەخت کرد ک نەبایەت زوور لەبان هەرێم باریەێد.
سەرۆک نێچیروان بارزانی لە وتاریگ وەبوونەی دەرچگن چین نوویگ لە ئەفسەرەیل کۆلێژ سەربازی زاخۆ وت: داوا لە گشت لایەنەیل سیاسی کەم نەرمییگ زیاتە ناوبەینیان نشان بیەن، تا وەرەو دەرچگن لە بەسیان سیاسی ئیسە روی بکەیمن، و جەخت کرد لە گرنگی کۆتاییهاوردن وە شکانن خوازین وئەوەکە قەبووڵنەکردن.
وتیش: داوا لە حکومەت عراق ودەسەڵات ودامەزراوەیل فیدراڵی کەم جویر بەشیگ تەواوکەر بنووڕنە عراق، چوینکە گشتمان یەکیمن وسەرکەفتن وشکستمان یەکیگە، ودووپات کرد ک گەل عراق ئارامی وپیشکەفتن وگەشەکردن خوازێد، وهویچ شیوەیگ لە شیەوەیل زیایبوین گرفتەیل نیەوخوازێد.
سەرۆک نێچیروان بارزانی وتیش: بایەتە ئەو باوەڕەو نەوود ک سەنین دەسەڵاتەیل هەرێم کار خاسیگە، ولەیرا داوا لە بەغداد کەم - ئەگەر وەجددی هەرێم کوردستان ودانشتگەیلی بەشیگ لە عراق زانێد – بایەتە وەنزیکترین وەخت چارەی ناکۆکی وباوەتەیل گیرهاتگ ناوبەین حکومەت فیدراڵی وحکومەت هەرێم کوردستان بکەێد.
هەمیش وت " دەرفتەگە هاتیە وری ئەرا چارەکردن ناکۆکی و باوەتەیل گیرهاتگ وەگەرد بەغداد لەبان مێز گفتوگۆ هەس، ودووارە دووپات کرد ک حکومەت هەرێم جددیە لە دانیشتن لەبان ئی مێزە، و چارەکردن گرفتەیل وەگەرد حکومەت فیدراڵی وەگورەی بنەمایل دەستوور عراق.
