نێچیروان بارزانی هەواڵ وەرپرس پارتی لە کەلار پرسێد
2024-07-16T11:11:10+00:00
شەفەق نیوز/ نێچیروان بارزانی سەرۆک هەرێم کوردستان، باس ئارەزوو خوەی وە بیوەیی وەرپرس لق پارت دیموکرات کوردستان لە گەرمیان کرد، دویای رزگاربوینی لە تەقەلای کوشتن لە وەردەم ماڵەگەی خوەی.
سەرۆکایەتی هەرێم کوردستان لە بەیاننامەیگ رەسیە ئاژانس شەفەق نیوز وت: بارزانی لە پەیوەندییگ تەلەفۆنی (سێشەممە، 16ی تەمموز 2024)، هواڵ ئەکرەم ساڵح وەرپرس لق ٢٢ پارت دیموکرات کوردستان پرسی، کە دویەکە لە تەقینەوەیگ تیرۆری ئەرا ماشینەگەی لە وەردەم ماڵیان لە کەلار قورتار بوی.
بەیاننامەگە وتیش: وەگەرد هەواڵپرسی و دڵنیایی لە تەندروسیی، سەرۆک بارزانی ئارەزوو ئەرا ساڵح و هاوڕیەیلی داشت، و نەفرەت لەو تەقەلای تیرۆریە و گشت کارەیل تیرۆر سیاسی کرد، و دووپات کرد کە لایەنەیل پەیوەندیدار ئەوەسا کەفنە شوین ئەو باوەتە تا پەیاکردن جیوەجیکەرەیل و دادکارییان.
لەلای خوەییش، دویای باسکردن لە شیوەی ئەو پەلامارە و زەردەیلی، ساڵح سوپاس لە هەواڵپرسی سەرۆک هەرێم کوردستان و گرنگیدانی وە وەشوینکەفتن رویداوەگە کرد.
