نێچیروان بارزانی: هەرێم کوردستان وەگشت جدییگ تەقەلای سەرکەفتن حکومەت سودانی دەێد

شەفەق نیوز/ نێچیروان بارزانی سەرۆک هەرێم کوردستان، ئمڕوو چوارشەممە، وت: هەرێم کوردستان وەگشت جدییگ تەقەلای سەرکەفتن حکومەت فیدراڵی نوو وە سەرۆکایەتی محمد شياع سودانی سەرۆک ئەنجومەن وەزیرەیل دەێد.

سەرۆک نێچیروان بارزانی لە وتاریگ لە پەراویز میوانیکردنی لە دیدار "میری" ئەرا کاروبار خوەرهەڵات ناوڕاس وت: دروسکردن حکومەت فیدراڵی لە بەغداد گام گرنگیگە لەسای ئی رەوشەیل ئیسە ک عراق وەپیان رەد بوود.

وتیش: هەرێم کوردستان وەگشت جدییگ تەقەلای سەرکەفتن کابینەی حکومەت ئیسە وە سەرۆکایەتی سودانی دەێد، و دووپات کرد ک ئارامی هەرێم کوردستان لە ئارامی عراقە، و هەمیش وەپیچەوانە، و ئەگەر ئاسایش لە یەکیگیان شیویا ئەوەسا لە ئەوەکەیش شیوەیەێد چوینکە تەواوکەر یەکن.