نێچیروان بارزانی نرخدار رۆڵ سودانی و لایەنەیل بەغداد کەێد لە چارەسەرکردن کێشەیل وەرد هەولێر
نێچیروان بارزانی لە وتاریگ لەناو ئاهەنگ دەرچگن خول شەشەم خوەنەوارەیل زانکۆی ئەمریکی لە پارێزگای دهۆک کە پەیامنێر ئاژانس شەفەق نیوز ئامادەی بوی وت: لەیەکفامستن وەرد حکومەت فیدراڵی و حزبەیل سیاسی عراقی ئەرا چارەسەرکردن باوەتەیل هەس، و یەیش کەشوهەوایک لە ئارامی سیاسی دروس کەێد.
وتیش: ئیمە لە هەرێم کوردستان نووڕیمنە سەرکەفتن تەقەلایل رەسین وە رێککەفتن و چارەکردن باوەتەیل سەرەکی، وەتایبەت ئەوانەگ پەیوەندی وە ژیان و خوەشگوزەرانی فەرمانبەرەیل و مەردم دیرن.
بارزانی نرخدار رۆڵ سەرۆک وەزیرەیل عراق و سەرکردە و حزبەیل عراقی لەی باوەتە کرد، وەگەرد رۆڵ مەسروور بارزانی سەرۆک وەزیرەیل هەرێم کوردستان ئەرا رەسین وە لەیەکفامستن وەرد بەغدا، و دووپات لە پشتگیریکردن ئی تەقەلایلە کرد.
لەلاییگ ترەک، سەرۆک هەرێم کوردستان ئافەرین لە سەرکەفتن دویەتیگ ئێزدی کرد کە لە چنگ ریخریاگ داعش قورتار بویە، لەبان وەردەوامیی لە خوەنستن، و ئمڕوو یەکیگە لەو خوەنەوارەیلە کە دەرچن، لەبان ئەو زیان دەروینیە کە مەوقەی رفیانی وەدەس داعش لە ساڵ ٢٠١٤ وەخوەی دی.
