نێچیروان بارزانی نرخدار رۆڵ زانایەیل ئاینی لە کوردستان کەێد ئەرا بتەوکردن وەیەکەوژیان و ئاشتی
شەفەق نیوز/ نێچیروان بارزانی سەرۆک هەرێم کوردستان، ئمڕوو شەممە، پیرووزبایی لە یەکێتی زانایەیل ئاین ئیسلامی لە کوردستان کرد.
لە بەیاننامەیگ رەسیە ئاژانس شەفەق نیوز وت: وەبوونەی پەنجا و چوارەم ساڵیاد دامەزریان یەکێتییان، گەرمترین پیرووزبایی لە سەرۆک و ئەندامەیل نویسینگەی جیوەجیکردن یەکێتی زانیایەیل ئاین ئیسلامی و گشت پیاوەیل ئاینی بەڕێز پیشکەش کەم، و ئومید وەردەوامی سەرکەفتن ئەرایان خوازم.
وتیش: لە وەختیگ رێز لە ئامادەبوین و رەنج و خەبات یەکێتی زانایەیل و پیاوەیل ئاینی لە سەردەم شووڕش و ئازادی گریمن، وە رێزیگ یاد گشت شەهیدەیل لە زانایەیل ئاین ئیسلامی لە کوردستان کەیمن، و سڵاو لە گیان پاکیان کەیمن.
دووپات لەبان رۆڵ و کاریگەری زانایەیل ئاین ئیسلامی لە کوردستان کرد لە قایمکردن کەلتوور وەیەکەوژیان و وەخشین و ئەوەکە قبووڵکردن، لە نواگیریکردن تونەڕەوی، و پەخشکردن دووسی نیشتمان و ئاشتەوایی کۆمەڵایەتی، هەمیش دووپات لە پاڵپشتیکردن تەواومان ئەرا رەنج و تەقەلایل یەکێتی زانایەیل ئاینی کەیمن.
