نێچیروان بارزانی: نەفت سەروەخوەیی ئەرا کوردستان دروس نیەکەێد

شەفەق نیوز/ نێچیروان بارزانی سەرۆک هەرێم کوردستان، ئمڕوو چوارشەممە، وت: نیەخوازیمن باوەت نەفت شکست سەروەری لە عراق بارێد، چوینکە فرووشتن و هەناردەکردنی سەروەخوەیی ئەرا هەرێم دروس نیەکەێد.

سەرۆک نێچیروان بارزانی لە وتاریگ لە پەراویز میوانیکردنی لە دیدار میری ئەرا کاروبار خوەرهەڵات ناوڕاس، وت: لە ساڵ ٢٠٠٤ تا ئیسە هەردوگ حزب کورد سەرەکی (پارتی و یەکێتی) چەن رێککەفتنیگ واژوو کردن، ئەرا چارەکردن گرفتەیل بوودجە،  شنگال، مادەی ١٤٠ لە دەستوور، و داناین ماوەیگ ئەرا چارەکردنی، و پرسیار کرد؛ تا کەی بەغداد لەلای خوەیەو ئی گرفتیلە وەبی چارەکردن مینن، و ئەگەر عراقیگ ئارام لەلایەن سیاسەت و ئابووری خوازێد، بایەتە ناکۆکیەیل وەگەرد هەرێم کوردستان چارەسەر بکەێد.