نێچیروان بارزانی: نەبایەس پرس مووچە بخریەێدە ناو ململانێ و ئەوەسا خوەم و سەرۆک حکومەت هەرێم سەردان بەغداد کەیمن
یەیش لە لیدوانیگ هات کە لە پەراویز پیشوازییەگەی وەگەرد وەزیر دەیشت نەمسا ئەلێکساندەر شاڵنبێرگ کە وە سەردانیگ ئەرا شار هەولێر پایتەختی هەرێم کوردستان هاتیە، ئەرا رووژنامەنویسەیل هات.
نێچیرڤان بارزانی، سەرۆک هەرێم کوردستان لەو لیدوانە کە پەیامنێر ئاژانس شەفەق نیوز ئامادەی بوی، ڕاگەیان؛ ناکۆکییەیل وەرد بەغدا تەنیا وە پرس مووچە سنووردار نییە، بەڵکم گیچەڵ ترەک دیریمن لە مادەی 140 دەستور ە، کە ئەرا ئیمە ئەو پرسە و جیوەجیکردنی هەرلیوا پرس جیوەجیکردن رێککەفتن شەنگال، فرە گرنگە.
وتیش؛ ئەوەگ لە گشتی گرنگترە و بایەتە چارەسەر بکریەێد ئەوەسە کە ئایا سیستم لە عراق فیدراڵییە یا ناوەندییە، وتیش؛ ئەو رەفاتەیلە کە وەگەرد هەرێم کوردستان کریەێد فیدراڵی نیین، ئومید خوازیمن وە هاوکاری وەرد بەغدا، بڕەسیمنە ئاست لەیەکفامستن هاوبەش بەبان سیستەم فیدراڵی لە عراق.
لەباوەت هەڵوێست ویلایەتە یەکگرتگەیل ئەمەریکا لەبان یەکخستن هیزەیل پێشمەرگە پرسیار لە سەرۆک کۆمار کریا، ئەویش لە وەڵامەگە وت: گلەیی لەبان پارت دیموکراتی کوردستان و یەکێتی نیشتمانی کوردستان دیرێد لەباوەت پرس پیشمەرگە چوینکە پڕۆسەگە لە یەکخستن هیزەیل فرە وە یەواشی چوود و یەیش ڕاسە، بەڵام یە وەو مانا نییە کە هویچ لەو رەیەو نەکریایە، بەڵام گامەیل گەورە نیین، و ئومید خوازیمن ئەو گامەیلە زویتر بکریەن و پیشمەرگە یەکگرتگ بوود.
لەباوەت هەڵوێست واشنتۆن و پەیوەندییەیل ناوەین هەولێر و بەغدا، نێچیروان بارزانی راگەیان؛ ڕۆڵ ئەمەریکا تەقەلاس ئەرا چارەسەرکردن ناکۆکییەیل ناوەین حکومەت هەرێم و حکومەت فیدراڵی، ڕۆڵ ئەویش پاڵپشتە ئەرا چارەسەرکردن گیچەڵەیل ئیسە.
لەباوەت ڕۆڵ سەرۆک نێچیروان بارزانی لە چارەسەرکردن ناکۆکییەیل ناوەین هەولێر و بەغدا وت: "بەڵی ڕۆڵ خوەمان لەی بوارە دوینیمن، هەرلیوا بایەتە گشت لایەنەیل کوردستانیش رۆڵ خوەیان بگرن، ئەرا چارەسەرکردن کیشەیل".
نووڕییش کە هەرێم کوردستان لە مەلەف نەفت شکست نەهاورد، وتیش هەرکەسیگ لە فایلەیل گوزەشتە بوەشکێد، لەڕای من ئەرای دەرکەفێد کە کار خاس لەی بوارە رەسیەسە ئەنجام، هەرلیوا گیچەڵ لەم فایلیشە هەس کە بایەسە چارەسەر بکریەێد لە ری گفتوگۆ وەگەرد بەغدا.
لەباوەت ئەگەر سەردان بەغدای پایتەخت، سەرۆک هەرێم کوردستان وت: چەوی وە سەرۆک حکومەت هەرێم و جیگرەگەی کەفێد، و هەر وەختیگ بخوازێد سەردان بەغداد کەیمن، وتیش: پرس چگنمان ئەرا بەغدا فرە سروشتیە چوینکە ئیمە لەی وڵاتە و لە جوگرافیای عراق ژیەیمن، وە ئیمە بەشیگین لەلی و سەردانەگەمان بایەسە وەشیوەیگ فرە سروشتی بنووڕیەێدە پی.
