نێچیروان بارزانی: نەبایەت دەستوور بخریەێدە پشتگووش و بایەتە وەتەواوی جیوەجی بکریەێد
2023-01-21T09:02:13+00:00
شەفەق نیوز/ نێچیروان بارزانی سەرۆک هەرێم کوردستان، ئمڕوو شەممە، بانگواز وە گرنگی پشتگووشنەخستن دەستوور هەمیشەیی وڵاتەگە کرد، و کار ئەرا جیوەجیکردن گشت مادە و بەندەیلی وەبی هەڵوژین بکریەێد، و دووپات لە جیوەجیکردن ئەو رێککەفتن سیاسیە کرد ک دروسکردن ئی حکومەت فیدراڵیە هاوردە دی، و هەمیش دووارەی پشتگیریکردن محمد شیاع سودانی سەرۆک حکومەت لەی چوارچێوە کرد.
ئی قسەی نێچیروان بارزانیە لە وتاریگ لەناو ئاهەنگ پرسەی ٢٠مین ساڵ کوشیان محمد باقر حەکیم سەرۆک ئەنجومەن باڵای شوڕش ئیسلامی لە عراق هات.
