نێچیروان بارزانی مکیس بەشداریکردن لە لویتکەی باکو ئەرا ئاڵشتبوین کەشوهەوا وەرگرێد
سەرۆکایەتی هەرێم کوردستان لە بەیاننامەیگ رەسیە ئاژانس شەفەق نیوز وت: فەزی حەریری سەرۆک دیوان سەرۆکایەتی هەرێم کوردستان، پیشوازی لە نەسیر مامادۆف باڵیۆز ئازەربایجان لەلای عراق کرد.
وتیش: باڵیۆز ئازەربایجان مکیس فەرمی رەسان ئەرا سەردان نێچیروان بارزانی ئەرا باکو ئەرا بەشداریکردن لە لویتکەی نەتەوە یەکگرتگەیل تایبەت وە کەشوهەو (COP29) کە لە 11 تا 22 لە مانگ تشرين دویەم ئایندە وەردەوام بوود".
دیدار ناوەین باڵیۆز ئازەربایجان و سەرۆک دیوان سەرۆکایەتی باس پەیوەندییەیل ناوەین هەرێم کوردستان و ئازەربایجان کرد، و فراوانکردن پەیوەندییەیل و باس نووەبوبویل ناوچەگە وەشیوەی گشتی کریا.
باڵیۆز ئازەربایجان باس ئارەزوو وڵاتەگە ئەرا قایمکردن پەیوەندییەیل وەرد هەرێم کوردستان کرد، و دووپات کرک کە سەردان نێچیروان بارزانی ئەرا باکو و چەوکەفتتی وە سەرۆک ئازەربایجان، لاپەڕەی نوویگ لە پەیوەندییەیل ناوەین ئازەربایجان ت هەرێم کوردستان واز کەێد.
