نێچیروان بارزانی لە پیرووزباییکردن وە جەژن نەورووز: وەگەرد سەرەتای گشت وەهاریگ گیان خوەیڕاگری و ئازادی کەفێدە گشت کوردیگ
بارزانی لە وتار پیرووزبایی ک رەسیە ئاژانس شەفەق نیوز وت: ئی گەل کورد و کوردستانی ئازیز لە ناو و دەیشت هەرێم کوردستان، گەرمترین پیرووزبایی لە گشت ئیوە لەدڵمەو کەم، وە بوونەی جەژن نەورووز و سەرساڵ نوو کورد، و پیرووزبایی لە خانەوادەی بەڕێز شەهیدەیل کەم.
سڵاوم و دووسییم ئەرا گشت داڵگ و باوگ و کور و خوەشک و برا و کەسوکاریگ شەهید کەم.
وتیش: پیرووزبایی و سڵاوم و رێزم لە پیشمەرگە قارەمانەیل، و لە هیزەیل ئاسایش و پولیس و دژەتیرۆر و گشت هیزە ئەمنیەیل ک مقیەتی ئاسایش و ئارامی کوردستان کەن.
وتیش: بیرووزبایی و سڵاو و رێزم لە گشت ئەوانەگ خزمەتگوزاری لە هەر چینیگ پیشکەش کەن، و بەشداری لە بیناکردن و پیشکەفتن کوردستان کەن.
بارزانی وتیش: نەورووز جەژن نەتەوەیی پیرووز کوردە، جەژن سەرکەفتن و وەخوەی باوەڕی و شانازی و سەربەزیە، هیمای زنیبوین و هەڵسان گیان نەتەوەیی و دووسی ژیان و مرۆییە لەلای کورد و گشت گەل کوردستان، ک خوەی نەوروزە، وەگەردی گیان و خوین و دڵئارامی گشت کوردیگ عاشق ئەرا ئازادی و ژیان سەربەزی تیەێدە دەر و ئومیدەیل لە بانانیگ خاستر ئەوزەڵ کەێد.
وتیش: ئاگر نەورووز، جویر هەمیشە، لە نووەو باوەڕی و هاز و رکداری لەناومان رووشن کەێد، کورد نەکەفتیە و نەیش کەفێد، چوینکە وەگەرد گشت وەهاریگ و وەگەرد یەکەمین بڵویزەی ئاگر نەوروز، گیان خوەیڕاگری و ئازادی کەفێدە گشت کوردیگ.
وتیش: ئازادی و دەسکەفتن بەرهەم گیان نەورووزیە ئەرا نەتەوەی کوردە و کەل کوردستانە، و وەخاسی گیان و خوین و ئەسر دەیان ساڵ لە خەبات و رەنج خەباتکارەیل کورد و کوردستانیەیل رەوزەو کرد.
وتیش: گشتمان ستەم و کوشتن و بڕین دویەکەینگ کەفێدە هویرمان، و گشتمان دەسگیرکردن و کوشتن و بارکردن و کوشتن و بارکردن و ئاگرداین و ویرانکردن و کیماواران و و ئەنفال ها هویرمان، و لە هویرمان نیەچوود، وەلێ گشت ئەوە نەتوەنست ئیرادەی کورد و گەل کوردستان لە ژیان و ئازادی و سەربەرزی بڕمنێد، چوینکە کورد، وەگەرد یەکەمین مەشخەڵ نەوروز لەنووەو هەڵسیەن، و لە نووەو وەشیوەیگ گەپتر دەسوەپی کەن.
بارزانی دووپات کرد ک لە نەورووز لە نووەو عشق و دووسی کورد و گەل کوردستان ئەرا خاک و نیشتمان و نەتەوەیان پەیا بوود، و یە خوەی نهینی مانای ئی گەل زنیەسە ک زاڵترین ستەمکارەیل و چەکەیل سەردەم نەتوەنستن شکست وەپی بارن و قەت نیەشکیەێد.
وتیش: ئی گەل و کوردستانەیل دووس، با لە نەورووز و وەهار دەرفەت نووەوکردن رێزگردن و دووسی و وەخشین بوەیمن، و با وەگەرد خوەمان و خانەوادەمان و باوانمان ئاشتەو بویمن.
و دیاری کرد ک لە چین سیاسی، با نەورووز بکەیمنە دەرفەت نوویگ ئەرا هاوکاری هاوبەش و ئەوەکە قبوڵکردن و کار وە بڕی، تا بتوەنیمن گرفتەیل و ناکۆکیەیل لە هەرێم کوردستان وەپشتسەر بنەیمن، و وەیەک دەنگ و بەم هەڵوێست گرفتەیل ورد بەغداد وەڕی گفتوگو لە بنەمای دەستوور چارەسەر بکەیمن.
بارزانی داوا لە لایەنەیل عراقی کرد با وەگەرد یەک کار بکەیمن و وەهەسیگ عراقیانەی نیشتمانپەروەری لە لایەنگری حزبی و بنچینەیی و ئاینی و مەزهەبی خوەی بکەێدە بان، وەخاتر عراقیگ بوودە نیشتمان گشتی، عراقیگ پڕ لە ئاسایش و ئارامی و سەروەری، و ژیان و سەروەری و ئیسە و بانان نەوەیلی مسۆگەر بوود، عراقیگ وەیکەو بتوەنیمن بخەیمنەی وڵاتیگ ئەرا گشتی خاستر بوود.
وتیش: ئیمە وەگەرد حکومەت فیدڕاڵی عراق وەبان ریە راسەگە کەفیمنە ری، و گامەیل جی ئومید و خوەشهاڵیین، و چارەکردن گرفتەیل و دووارە بیناکردن بروایی و دڵنیایی ناوبەبن لایەن و پیکاتەیل، توەنێد عراق جویر وڵاتیگ وەهاز و مقەیتیکریاگ و جی رێز گلەو بەێد،
هەرێم کوردستان، و لە رووشنایی دەستوور، ئامادەس ئەرا گشت شیوەیل هاوکاری وەخاتر سەرکەفتن رینمایی وەزارەتی و کار سیاسی و بنەمایل دیموکراتی لە عراق.
بارزانی وتیش: سەیران و گەشتیەیل و سیمایل دڵخوەشی لە نەورووز، نیشاندانیگە ئەرا گیان زنی دووسدار و بیوەییگ لەلای کورد و کوردستانیەیلە، ئی کەرنەڤاڵە ک لە باوەش سرووشت کوردستان رەنگین سازیەن، لە دووسی رەسنیگ ئەرا ژیان و ئاسایش، ئەرا ئاشتەوبوین و دڵنیایی دەرچوود، کەلەسیگ گرنگ و گرانە لە ئەرزشەیل و کەلەپوور نەتەوەمان.
وتیش: ئیمە لە هەرێم کوردستان، دەس برایی و وەیەکەوژیان و ئەوەکە قبوڵکردن ئەرا گشت گەل و بنچینە و پێکھاتەگ لە عراق و دەوڵەتەیل هاوسا و گشت جەهان درویژ کەیمن، و دووپات و دڵنیای گشتی کەیمن ک ئیمە هەکاتی هەمیشە ئەوەسا بویمنە کاریگەر ئاسایش و ئارامی و مقیەتیکەر رێز وەرانەوەری و ئەرا بەرژەوەنی هاوبەشمان.
بارزانی لە کۆتایی پیرووزبایی وت: پیرووزبایی لە گشت ئەو گەل و نەتەوەیلە کەم ک ئاهەنگ وە جەژن نەورووز کەن، و سڵاو و نرخدار لەەسمیەتی دەوڵەتەیل برادەر و کۆمەڵگای ناودەوڵەتی و دوبلۆماتیکاریان و ربخریاگیان لە هەرێم کوردستان کەم، و ئومید ئەرا گشتیان خوازم نەورووز خوەشیگ وەسەر بوەن، و داوا لە هاووڵاتیەیەیل ئەزیزمان کەم مقیەتیکردن سەڵامەتی خوەیان بکەن لە گەشت و سەیرانیان، و مقیەتی پاکی ژینگە و سرووشت کوردستان بکەن، و پابەند وە رینمایل هاتوچو بوون.
