نێچیروان بارزانی لە تورکیاوە: ئەنقەرە لە وەختەیل سەختیگ وەگەردمان وسیا
سەرۆک نێچیروان بارزانی لە کۆنگرەیگ رووژنامەوانی وەگەرد والی شار دیلۆک و جیگر والی وەگەرد رەسینی ئەرا تورکیا وت: هاتنم ئەرا ئێرا ئەرا سەرخوەشیکردن و هاوخەمی وەگەرد گەل تورکیا و مەردمە زەرەدمەنەیل تیەێد، وتیش: وەناو ریبەر کورد مەسعود بارزانی گەرمترین سەرەخوەشی لە گشت خانەوادەیگ کەم ک یەکیگ لە نازارەیلی لەدەس داگە، و ئومید زوی خاسەوبوین ئەرا زەخمدارەیل خوازیمن.
وتیش: تورکیا وە حکومەت و گەل لە گشت رەوشە بەدەیل و مەوقە سەختیەیلمان ک وەپیان رەد بویمنە وەگەردمان وسیاگە.
نێچیروان بارزانی وتیش: لەوەر ئەو کەلەمە ک لێرا رویدا هیشت گشت ماڵیگ لە هەرێم کوردستان پرسە دانەێد، و رسووم ئاهەنگەیل و سیمای خوەشی پویچەڵ کریا، ئەرا هاوخەمەی وەگەرد زەرەدمەنەیل تورکیا، و دووپات کرد ک تورکیا لە بوونەیل فرەیگ بەشداری وەرد هەرێم کوردستان کردگە، چ لە خوەشی یا لە تەنگی.
هەمیش وت: ئیمە لە هەرێم کوردستان وەگورەی توانا تەقەلا دەیمن دەس دەسمیەتی وە تورکیا پیشکەش بکەیمن، و لەیرا خوەشمان تیەێد سوپاس لە حکومەت هەرێم کوردستان و کەرت تایبەت وەگشتی بکەیمن ئەرا ئەو دەسمیەتیەیلە ک پیشکەشیان کردن.
سەرۆک هەرێم کوردستان وتیش: حکومەت تورکیا و سەرۆک تورکی و ڕاسی وسیانە ئەرا وەهاناڕەسین ناوچەیل کەلەمەدی، وتیش: تورکیا وڵات مەزنیگە، و بیگومان ئەوەسا توەنێد ئی قەیرانە وە سەربەرزی بنەێدە پشتسەر.
