نێچیروان بارزانی: عراق وە قۆناغ نوویگ رەد بوود و جەهان لەناو هەڵسان سیاسی و ئابووری نووڕیدەی
نێچیروان بارزانی لە میوانیکردنی لە پەراویز دیدار ساڵانەی هەولێر، باس بەشداریکردنی لە کۆنگرەی میونخ ٥٩ کرد، ک وت: ئیمە وە دوو ری کار کەیمن، یەکەمیان ناوخوەییە و ئەوەکە دەیشتەکیە، و ئیجویر کۆنگرەیلیگ دەرفتە دەنە هەرێم تا نووڕین خوەی لە چارەکردن گرفتەیل عراق و گرفتەیل دەیشتەکی چارەسەر بکەێد، وتیش: بڕیگ لە چەوپیکەفتن خاس لە میونخ ئەنجام دایمن، و باس هەڵوێست هەرێم کوردستان وەرانوەر ئەوەگ لە مەیدان ناوخوەیی و ناودەوڵەتی کردیمن.
وتیش: عراق و هەرێم کوردستان شوین گرنگی فرە گەورەیگە لە ئاست ناودەوڵەتی، و ئارامی و ئاسایش عراق کاریگەری خاسیگ لەبان ئارامی هەرێم کوردستان دیرێد، وتیش: هێز هەرێم کوردستان مەترسی لەبان عراق نەیرێد، و پیچەوانەیش راسە، و ئیمە ئەیەکە تەواوکەر ئەوەکەس.
سەرۆک هەرێم کوردستان وتیش: کوردستان کار و جویلە لە چوارچیوەی دەوڵەت عراق کەیمن، و لە بنەمای دەستوور و هەڵوێست سیاسی.
وتیش: ئیمە هایمنە ماوەی جەنگ ئۆکرانیا - رووسیا، ک تەوەر سەرەکی بوی لە کۆنگرەی میونخ، و ئەوە نییە کەئبمە باس لە باوەتەیلیگتر نەکردیمن، وتیش: عراق وە قۆناغ نوویگ رەد بوود، و دەوڵەتەیل نووڕنە عراق ک کەفتیەسە رەوش هەڵسان سیاسی و ئابووری، و لەی چوارچیوە هەرێم کوردستان کار ئەرا ئارامی عراق و ئاسایش لە گشت ناوچەگە کەێد.
نێچیروان بارزانی وتیش: عراق و هەرێم کوردستانیش، توەنێد دەور گورجیگ لە چین وزە بڕانێد، و دەرفەتیگ تەڵایی ئەرایان هەس تا دەوریگ جدی و گرنگ لە باوەت وزە بڕانن.
هەمیش وت: عراق نیەتوەنێد بوودە بەشیگ لەو جەمسەرەیلە ک لە جەهان کەفتنەسە ململانە، و نیەتوەنێد بکەفێدە گەرد لایەنیگ وەدژ لایەنیگنر، و توەنێد بوود پیەڵیگ ئەرا پەیاکردن چارەسەری ناوبەینیان، و یەسە ک ئیسە بوود.
