نێچیروان بارزانی: عراق ئمڕوو فرەترین خوازیارە ئەرا ئەرزش و ئبرەتەیل زیارەت چلەی ئیمام حسێن
![نێچیروان بارزانی: عراق ئمڕوو فرەترین خوازیارە ئەرا ئەرزش و ئبرەتەیل زیارەت چلەی ئیمام حسێن](https://media.shafaq.com/media/arcella/1663421610535.jpg)
شەفەق نیوز/ نێچیروان بارزانی، سەرۆک هەرێم کوردستان، ئمڕوو شەممە، وت: عراق ئمڕوو فرەترین خوازیار ئەرزش و ئبرەتەیل زیارەت چلەس، ئەرا بتەوکردن بنەمایل وەخشین و ئاشتی ناو چینەیلی.
سەرۆک هەرێم کوردستان لە بەیاننامەیگ رەسیە ئاژانس شەفەق نیوز وت: وەیادهاوردن چلەی ئیمام حسێن (عليه السلام) وەرگردن وانەیل قوربانیداین و راسگوییە ئەرا بەرزەوکردن وشەی حەق.
بارزانی وتیش: عراق ئمڕوو فرەترین خوازیارە ئەرا ئەو ئەرزش وبنەمایلە ئەرا بتەوکردن بنەمایل وەخشین و وەیەکەوژیان و ئاشتی ناوبەین گشت چینەیلی، وەخاتر گلەوداین ژیانیگ خاستر ئەرا گەل ودویارووژیگ رووشنتر ئەرا نەوەیلمان.